35 совети за зајакнување на имунитетот по брза постапка

На имунитетот треба да мислите постојано, не само кога ќе опадне.

Здравите навики не одземаат многу време, но мора свесно да ги одбирате.

Бидејќи добриот имунитет е клучен во вакви сезони на вируси, настинки и разни болести, составивме листа од 35 совети кои ќе ви бидат од помош.

1. Консумирајте барем 30g печурки на ден.

2. Говедското месо е богато со цинк, кој пак е важен за намалување на шансите од инфекции.

3. Пилешката супа со лук и кромид во прав е супер предјадење.

4. Консумирајте по 1 шолја црн чај дневно.

5. Додадете свежа пиперка во ручекот, богата е со витамин Ц.

6. Рибата и рибиното масло се одличен чувар на имунитетот.

7. Слаткиот компир е богат со витамин А, минерали и влакна, неопходни на телото во борбата со настинските и болестите.

8. Јогуртот како пробиотик ја регулира работата на системот за варење.

9. Само 45g брокула ви помага да внесете 70% витамин Ц од препорачаните дневни дози.

10. Салатата или сокот од цвекло нека ви стане навика.

11. Редовно грицкајте ореви, наместо чипсови.

12. Јаболката се успешен начин да се изборите против слободните радикали.

13. Салатата од зелка, свежа или кисела, е супер додаток на оброците.

14. Здравјето е постабилно и ако почесто консумирате спанаќ, кој е богат со витамин Ц и Е, како и железо.

15. Внесувајте микс од свежо овошје во облик на смути барем еднаш дневно.

16. Може во него да додадете и тиква.

17. Зелените сокови се одлични за чистење на цревата, односно за детоксикација.

18. Ситно исечкајте 1 цвекло и прелијте го со неколку лажички мед. Консумирате по 1 лажичка трипати дневно за подобра крвна слика.

19. Честите воспаленија на грло може да се знак дека на телото му недостасува витамин Б2, а го има во млечните производи, зелениот зеленчук и рибата.

20. За зајакнување на имунитетот во сезона на воспаленија, консумирајте по 1-2 шолји чај од ѓумбир.

21. Консумирајте суплементи, но не дозволувајте да ви го заменат свежиот зеленчук и овошје.

22. Бидете почесто на отворено, на чист и свеж воздух.

23. Исфрлете го шеќерот од исхраната, колку што можете.

24. Бидете физички активни барем 15 минути дневно.

25. Проветрувајте ги просториите во кои престојувате.

26. Пијте барем 4-5 чаши вода дневно.

27. Спијте барем 8 часа, за телото да биде одморено и успешно да се бори со сите ризици.

28. Не претерувајте со алкохолот.

29. Менувајте ја исхраната, односно не консумирајте еднолична храна секој ден.

30. Заборавете на диетите за брзо и екстремно слабеење.

31. Имајте секс.

32. Истегнете се.

33. Почастете се со егзотично овошје барем еднаш во месецот.

34. Одете на масажа за опуштање.

35. Пробајте плакнење на грлото и носот.

М. Д. | Црнобело