Како да престанете постојано да го допирате лицето?

И покрај тоа што се свесни за ширењето бактерии и разни микроорганизми, во просек, луѓето го допираат лицето 25 пати во еден час.

Всушност, многу луѓе не се ни свесни дека постојано го допираат лицето. Доколку и вие го имате овој проблем, првиот чекор за надминување на лошата навика е да станете свесни за своето однесување.

Еве неколку трикови што можат да ви помогнат:

Пронајдете нова „занимација“

Кога сакате да се ослободите од некои лоши навики, најдобро е да ги замените со нови. Кога чувствувате потреба да го допрете лицето, наместо тоа, допрете ја раката или ногата.

Не ја занемарувајте потребата да го допрете лицето

Најлошото нешто што можете да го направите е да си повторувате дека не смеете да го допирате лицето. Ако го сторите тоа, желбата само ќе се зголеми.

Наместо тоа, станете свесни за вашата потреба и забележете ги моментите кога најчесто го допирате лицето. На пример, кога разговарате на мобилен телефон, кога читате или гледате телевизија.

„Измамете“ го мозокот

Постојат неколку трикови што можете да ги користите за да го „измамите“ мозокот. На пример, луѓето што ги гризат ноктите честопати ги мијат рацете со сапуни кои имаат силен мирис што ги одвраќа. Некои жени ги лакираат ноктите со производи со лош вкус и слично.

Понекогаш, желбата да ги ставите рацете во уста ќе ја спречи и мрсниот крем за раце или фластер на прстот.

Ако, пак, ве зачеша нешто на лицето и не можете да го избегнете допирањето, најпрво измијте ги рацете со вода и сапун, па дури потоа допрете го лицето.

Ашера | Црнобело