Што да јадете во ресторани?

Внимавате на линијата, но ете, се случува друштвото да ве повика во италијански или француски ресторан. Во такви ресторани храната по правило...

 

...е одлична, но за жал – дебелее. Од друга страна глупаво е да порачате само некоја лесна салата, а и не ви се пропушта вкусната храна.

Што ќе каже вашата линија на тоа? Но, ако внимателно ги одберете оброците, ќе уживате во храната, а ќе ја задржите и линијата.

Еден од главните „напаѓачи“ на вашата линија се лепчињата и неодоливото француско пециво. Пробајте да се воздржите! Ако не можете, земете малку леб, варен ориз или компир или пак замолете го келнерот да не ви ја дополнува корпичката со леб.

Добра идеја е штом стигнете во ресторан, да порачате едно јадење или барем предјадење (се препорачува зелена салата или чорба од зеленчук), инаку лесно може да се случи да грицкате премногу леб додека чекате да ви стигне јадењето.

Пред јадење напијте се чаша вода, тоа ќе ја ублажи гладта. Што се однесува до пијалокот, ако земате нешто алкохолно, земете или вино или коктел – немојте двете работи.

Да се вратиме кај јадењето: кога порачувате предјадење, нека биде помала порција. Со многу јадења во италијанските ресторани одат тестенини – замолете да ви сервираат половина порција.

Како прилог, наместо полна порција тестенини, земете салата од зеленчук. Што се однесува до месото, пилешкото и рибата се најмалку калорични; преливот или сосот нека бидат сервирани од страна (преливите во ваквите ресторани се многу калорични, со нивното сервирање од страна самите ќе си одредите колку сос ќе земете) или јадењето прелијте го со лимунов сок.

Порциите во ваквите ресторани умеат да бидат многу обилни. Вам ќе ви биде жал така убаво (и не баш евтино) јадење да се фрли, па ќе изедете и повеќе одошто треба, па ќе се чувствувате како да следниот месец нема да можете уста да отворите.

Немојте така! Изедете онолку колку што навистина ви годи и замолете останатото да ви го спакуваат за дома. Не треба да се срамите тоа да го направите, тоа е сосема вообичаено и во најексклузивните ресторани.