Како до повеќе енергија?

Уморни сте, толку многу што едвај станувате од кревет.Со тоа во комплет оди и безволноста. Па така уморни и безволни, ќе си досадите и ќе станете нервозни и преосетливи.

 

Премногу сте нерасположени за да размислите што да преземете, а не ви се допаѓа и тоа што толку безволно се чувствувате.

Дали оваа приказна, или барем еден дел од неа, ви се чинат познати? Ако е така, еве неколку предлози како да ја поправите својата состојба.

Еден од предлозите е фитнес. Навистина, тешко е да се вежба кога ве мрзи и од кревет да станете, но за почеток не треба да ги правите ни вежбите. Доволно е барем десетина минути да прошетате, па да ви се обнови енергијата (влечењето намирници од самопослуга или пазар – не се брои). Во текот на прошетката треба да сте физички неоптеретени, а  се важи и ако се симнете од автобус една или две станици порано и останатиот дел од патот го испешачите.

Пијте повеќе вода! Една од најчестите причини за умор е дехидратацијата. Ако немате обичај често да пиете вода, воведете ја оваа навика. Најлесен начин да се потсетите да испиете малку вода е да ја гледате пред вас, чашата или шишето со вода. Стручњаците советуваат на секој половина час да испиете малку студена вода, за тоа да му биде сигнал ма мозокот да се разбуди, а на вашето тело ќе му даде дополнителна енергија.

Уште една причина за умор и безволност е недостигот на кислород (прозевањето, покрај останатото, е рефлексен обид на организмот да се снабди со повеќе кислород). Затоа кога ќе се почувствувате уморно и поспано, длабоко вдишете пет до десет пати и тоа на следниот начин:вдишувајте две секунди, а издишувајте четири. Во што се состои трикот? Кога дишете на овој начин, низ вашето тело ќе проструи повеќе кислород, а со самото тоа ќе добиете и повеќе енергија.

Длабоко вдишете, испијте малку студена вода и малку прошетајте (ако сте во канцеларија, протегнете се и неколку пати чучнете – ако колегите чудно ве гледаат, кажете им дека сте се укочиле) и веднаш ќе се чувствувате посвежо.

Пробајте!