Често консумирање бобинки и уште 4 навики што ги пожолтуваат забите

Иако сите сонуваме за блескава холивудска насмевка, неретко нашите животни навики не ни го дозволуваат тоа.

Веројатно знаете дека честото консумирање кафе, сокови со темна боја и пушењето цигари можат да ги пожолтат забите, но постојат и други нешта кои можат да бидат причина за ова.

Во продолжение погледнете кои навики можеби се причина за вашите пожолтени заби:

Често консумирање бобинки

Бобинките се одлични за здравјето, но ако ги консумирате многу често, можат да направат дамки на вашите заби или да ги пожолтат.

Исклучок се јаготките кои всушност го имаат спротивниот ефект – не ги оштетуваат, па дури можат и да ги избелат забите.

Пливање во базен

Ако редовно пливате во базен, можеби сте забележале дека забите ви станале пожолти. Причината за ова е хлорот во базените. Ако сметате дека забите ви се пожолтени од ова, најдобро е да се консултирате со заболекар.

Важно е да знаете дека хлорот кој се користи во водата за пиење го нема истиот ефект.

Користите многу стара четка за заби

Ако вашата четка е многу стара, нема да можете добро да ги исчеткате забите, па поради остатоците од храна, со текот на времето тие ќе пожолтат.

Затоа не заборавајте да ја менувате четката барем на секои 3-4 месеци, или кога ќе забележите дека влакната почнале да ја губат првобитната форма.

Одредени зачини

Зачините со посилна боја, како куркума или кари, можат да ги пожолтат забите ако ги користите многу често.

Стрес

Ако сте изложени на многу стрес, голема е веројатноста да ги триете забите – појава позната како бруксизам. Ова триење го оштетува емајлот, па забите можат да станат пожолти и покршливи. Во овој случај добро би било да се консултирате со заболекар.

Погледнете и За блескава насмевка: 7 начини да ги избелите забите во домашни услови

Спирова С. | Црнобело