Есенска депресија – како да ја победите со храна и витамини?

Секоја година, со есента како да си доаѓа и есенската депресија проследена со меланхолија и желба за почест и подолг сон.

Како што природата запаѓа во зимски сон, сосема нормално е кај човекот да се јави тага, немр и депресија поради недостатокот на сонце, светлина и ден.

Како да си помогнете и со помош на храна и витамини да го победите падот на енергија?

Внесувајте паметни јаглехидрати. Сложените јаглехидрати го помагаат производството на серотонин, а се наоѓаат во житарките од цели зрна, како и мешунките. Но, не претерувајте.

Консумирајте го умерено кофеинот, кој во големи количини негативно влијае на нервниот систем. Во мали дози може да го подобри расположението, но во преголеми дози создава раздразливост, панични напади, несоница и главоболки.

Внесувајте повеќе фолна киселина и витамин Б преку консумирање на леќа, спанаќ, кељ, портокали, брокула и авокадо.

Поминувајте повеќе време надвор, но само додека е ден. Светлината има позитивно влијание на расположението. Користете го секој зрак сонце во сезоната на дождови.

Внесувајте витамин Д, а во консултација со доктор може да консумирате и како суплемент.

Не смеете да го заборавите и витаминот Ц, а од минералите – магнезиумот кој е добар против анксиозност и лошо расположение.

М. Д. | Црнобело