Лукот создава киселини, биберот го дразни стомакот – Лошата страна на некои од природните антибиотици

Лук, супа со многу црн бибер, мед... Ова се некои од народните лекови што вообичаено се користат против грип и настинка и во кои повозрасните се колнат дека го зајакнуваат имунитетот. Кои се „лошите“ страни на секој од овие природни антибиотици?

Последниве две години се чини дека постојана тема што се повторува е онаа за зајакнување на имунитетот, а освен витамините и минералите, голем број луѓе посегнуваат по народните лекови што се познати по своето лековито дејство.

Што треба да знаете пред следниот пат да ја „забиберите“ супата или да посегнете по цела глава лук:

Лук

Лукот е познат по своите антибиотски својства, а повозрасните дури веруваат дека треба да се јаде на гладно за да има поголем ефект.

Сепак, пред да посегнете по него треба да знаете дека тој го намалува крвниот притисок, заради што многумина со висок притисок го консумираат.

Но затоа, лукот не се препорачува за луѓето со низок крвен притисок, а со оглед на тоа што може да предизвика и киселини во желудникот не се препорачува и за луѓето што имаат проблем со чувствителен желудник.

Црн бибер

Црниот бибер е полн со витамин Ц па затоа се препорачува да се внесува во секое јадење каде што тоа е возможно, но во мали количества.

Премногу црн бибер може да предизвика болки во стомакот, киселини во желудникот и проблеми со варењето.

Мед

Медот е доста силен антиоксиданс, но некои луѓе може да имаат проблеми доколку го консумираат прекумерено.

Вообичаено се препорачува да се консумира по една лажичка мед дневно.

Со оглед на тоа што може да предизвика напад на жолчката, лицата што веќе имаат проблеми со овој орган, треба да го консумираат уште помалку и поретко.

Риба

Познато е правилото дека барем еднаш до двапати неделно во исхраната треба да имате и риба, затоа што е мошне здрава и го зајакнува имунитетот во организмот.

Сепак, мора да имате предвид дека рибата е полна со алергени, па по секое консумирање на ваков оброк треба да внимавате и на алергиска реакција, особено кај децата.

Б. С. Б. | Црнобело/ фото: Pexels.com