Тесните фармерки се омиленото парче облека на жените, но кога не смеете да ги носите?

Тесните фармерки може да предизвикаат влошување на некои здравствени проблеми, а медицината има и посебен термин за болката што може да биде предизвикана од нивното постојано носење.

Секоја жена има барем по еден пар тесни фармерки во гардероберот што обожава да ги носи.

Тие прават да се чувствуваме помладо, го истакнуваат телото и во нив се чувствуваме опуштено.

Често се говори дека тесните фармерки може да му наштетат на здравјето и дека не се препорачува да се носат секој ден, а во продолжение проследете во кои случаи воопшто не треба да носите тесни фармерки:

Ако имате кандида

Кога имате инфекција со кандида се препорачува да избегнувате да носите каква било тесна и синтетичка облека: хеланки, хулахопки и тесни фармерки или пантолони.

Сами по себе фармерките не ја предизвикуваат инфекцијата, но не помагаат за да се ослободите од симптомите и не го олеснуваат лекувањето. Додека се справувате со ваква инфекција, најдобро е да заборавите на ова парче облека некој период.

Ако имате циститис (Акутно воспаление на мочниот меур)

Доколку се справувате со акутно воспаление на мочниот меур, односно циститис, исто така некој период ќе треба да заборавите на тесната облека, односно на тесните фармерки.

Тесните фармерки го ограничуваат пределот околу препоните, не му дозволуваат на телото „да дише“ и создаваат плодна почва за понатамошен развој на бактерии.

Прочитајте и Секојдневни парчиња облека кои влијаат штетно на здравјето

Ако имате проширени вени

Доколку имате проблеми со проширени вени, тогаш треба да заборавите на тесната облека и на тесните фармерки.

Нема информации дека тесните фармерки може да предизвикаат проширени вени, но поради тоа што го притискаат телото во пределот на абдоменот и ја попречуваат циркулацијата на крвта во телото се смета дека може уште повеќе да ја влоши состојбата доколку веќе имате ваков здравствен проблем.

Ако чувствувате болки во колковите додека се движите

Светските медицински лица го употребуваат терминот „невропатија од тесни фармерки“ за да ја опишат состојбата на болка во колковите која се јавува поради големиот притисок на нервите во телото што се сместени во пределот од препоните до бутовите.

Се смета дека болката се губи веднаш штом ќе престанете да ги носите тесните фармерки.

Доколку немате ниту еден од наведените здравствени проблеми, добро би било да се придржувате до правилото тесните фармерки да не ги носите повеќе од трипати неделно.

Б. С. Б. | Црнобело