Збогум лоши навики

Тие се движат од обично грицкање нокти до хронично доцнење. Лошите навики, мали мани кои толку им одат на нерви на другите, можат некој пат...

...да ни ја загрозат работата, пријателството, љубовта, па дури и бракот...

Еве 5 најлоши навики и совети како да се ослободиме од нив:

Доцнење. Ако секогаш доцните значи дека се преценувате, а личноста на која и доцните, ја потценувате. Направете роковник за да не заборавите на договорените состаноци и ослободете се од лошата навика. И уште нешто – не ветувајте нешто што не можете да го остварите.

Обвинување на другите. Кога ги обвинувате другите поради проблеми и разочарувања во вашиот живот, вие всушност признавате дека не го контролирате вашиот живот. За решавање на најважните проблеми на работа и во односите со луѓето треба време, но можете да си помогнете така што ќе почнете да ги решавате малку по малку, чекор по чекор.

Себичност. Себичните луѓе често се скриваат зад „презафатеноста“ или „уморот“. Ако самите се доживувате како личност која е премногу зафатена за да му помогне било кому, замислете се пред да останете без пријатели. Почнете така што ќе направите нешто ситно што не е корисно само за вас, а потоа обидете се да направите нешто навистина великодушно.

Грицкање нокти. Нокти изгрицкани „до корен“ делуваат многу одбивно. Најдобар начин да се ослободите од таа навика е длабоко да дишете за да се релаксирате и да ја намалите напнатоста. Во моментите која би ги грицкале ноктите едноставно стиснете ги дланките.

Одолговлекување. Одолговлекувањето е повеќе поврзано со почетокот на некоја работа или обврските отколку со нејзиното завршување. Обидете се да направите попис на работите кои треба да ги завршите тој ден, а при тоа најтешката работа ставете ја прва. Прецртувајте ја листата како што ги завршувате обврските.