Експерт објаснува: Зошто никогаш не треба да спиете на стомак? (видео)

Спиењето на стомак може да предизвика многу проблеми подоцна во животот, како болки во вратот, грбот, па дури и нозете.

Иако сите многупати сме слушнале дека спиењето на грб е најдобро за нас, факт е дека голем број луѓе спијат на стомак.

Но, изгледа дека спиењето на стомак може да биде причина за многу проблеми.

Џејмс Леинхарт е експерт за правилно држење на телото и сопственик на бренд за душеци и перници чиј главен фокус е здравјето на грбот и вратот.

На неговиот ТикТок профил тој редовно споделува совети и трикови за спиење со кои ќе се избегнат честите проблеми, како вкочанетост.

Дефинитвно, едни од најпопуларните видеа на неговиот профил се оние во коишто објаснува зошто спиењето на стомак е лошо за нас, a имаат милиони прегледи. 

Во видеата има и модел кој носи костим на кој се обележани човечките мускули, со цел полесно да го сфатиме проблемот.

Џејмс вели дека ако секоја вечер спиеме на стомак, кога ќе стигнеме одредена возраст, ќе почнеме да чувствуваме болки во вратот, колковите, рамената, па дури и нозете.

@levitex

Is this your favourite sleeping position? ?

♬ original sound - levitex

Во друго видео, тој појаснува зошто се јавуваат болките во нозете од оваа положба на спиење.

Причината е истегнувањето на мускулите на нозете. Односно, кога спиеме на стомак, овие мускули се истегнати неколку часови, а оваа положба не е воопшто природна за нив.

Болките во вратот, пак, се јавуваат бидејќи кога спиеме на стомак, главата ни е свртена само на едната страна. Па, со текот на времето ќе почнеме да чувствуваме вкочанетост.

@levitex

@ stomach sleepers

♬ original sound - levitex

Во друго видео, Џејмс вели дека кога спиеме на стомак, страда и нашиот грб бидејќи не е во правилна положба.

Тој советува наместо на стомак, да пробате да спиете легнати на страна, со перница меѓу нозете – на овој начин грбот ќе биде исправен и ќе ги избегнете проблемите.

@levitex

@ you

♬ original sound - levitex

Спирова С. | Црнобело