Зошто се појавува бел слој на јазикот и како да се ослободите од него?

Постојат многу причини за појава на бел јазик, а најчестата е лоша хигиена. Сепак, овој симптом може да се појави и поради некои здравствени проблеми, но и поради дехидратација.

Таканаречениот бел јазик е појава кога јазикот е прекриен со бел слој.

Овој бел слој може да го покрива целиот јазик, само задниот дел, или да го има само на некои места на јазикот.

Некогаш овој симптом е проследен и со лош вкус во устата, лош здив и црвенило.

Белиот слој го сочинуваат остатоци од храна, бактерии и мртви клетки кои се „заглавени“ помеѓу папилите (ресичките) на јазикот.

Ова се случува кога папилите се отечени или воспалени.

Кога и зошто се појавува белиот јазик?

Една од најчестите причини за оваа појава е лошата орална хигиена.

Кога не ги чистите забите и јазикот, папилите можат да се воспалат, па на нив почнуваат да се собираат бактерии, остатоци од храна и мртви клетки.

Покрај тоа, белиот јазик може да се појави и од сува уста, дехидратација, иритација од протеза или вилица, пиење многу алкохол или пушење цигари.

Некогаш белиот јазик може да биде и знак за некои здравствени состојби, како леукоплакија.

Кој е изложен на поголем ризик?

Во зависност од здравствената состојба и животните навики, некои луѓе се изложени на поголем ризик од оваа појава.

Некои од најчестите ризични фактори вклучуваат:

• Дијабетес
• Возраст – оваа појава е почеста кај бебиња и мали деца
• Пиење антибиотици
• Исхрана со малку овошје и зеленчук
• Треска или намален имунитет
• Носење вилица или протеза
• Дишење преку устата
• Пиење многу алкохол
• Третмани за рак
• Хипертироидизам

Како да се справите со белиот јазик?

Доколу не станува збор за здравствен проблем, најпрво почнете да водите подобра грижа за оралната хигиена.

Мијте ги забите двапати дневно и не заборавајте да го исчеткате јазикот. Добро би било да користите и средство за плакнење уста.

Доколку пиете многу алкохол, пробајте да намалите, а истото важи и за цигарите. Пијте и повеќе вода во текот на денот.

Доколу овие животни промени не ви помагаат, најдобро е да се консултирате со експерт кој ќе ја утврди точната причина за појавата на белиот јазик.

Спирова С. | Црнобело