10 важни хигиенски навики, кои сите упорно тврдоглаво ги игнорираме

На колку часа треба да ја менувате долната облека? Папокот ви е најзапоставениот дел од телото кој бара нега и чистење - како да се грижите за него? Плус, трик како да ги убиете бактериите под ноктите. Здравјето ќе ви благодари...

Уште во детството родителите нè учеа дека треба да ги миеме рацете пред јадење, да ги четкаме убаво забите кога ќе станеме од спиење и пред спиење и што помалку да го допираме лицето со нечисти раце.

Но, покрај овие основни хигиенски навики, треба да усвоиме и некои нови, кои, за жал, многумина од нас упорно ги игнорираат.

Хигиенски навики кои се важни, а ги игнорираме:

Триење на стапалата за отстранување на лошите мириси

Основни хигиенски правила за стапалата се миење најмалку еднаш на ден, редовно сечење на ноктите и добро сушење на пределот меѓу прстите, по миењето.

Но, убаво е и од време навреме да им правите пилинг на стапалата и со убаво триење да ги отстраните бактериите кои се развиваат на влажните места и се хранат од мртвите клетки кожа.

Користете гел за дезинфекција на раце кога ќе го заборавите дезодорансот

Гелот за дезинфекција на раце, кој повеќето од нас го имаат со себе, може привремено да го спречи растот на бактериите, кои предизвикуваат непријатен мирис.

Се разбира, ова е само за во навистина итни случаи, затоа што гелот содржи алкохол и тоа може да предизвика иритација на кожата, доколку се користи често. Плус, треба да користите многу мала количина.

Редовно вадете ги и чистете ги обетките

На обетките се собира себум, односно маснотии од кожата, па дури и траги од шампон.

Затоа треба редовно да ги вадите и чистите со памукче, потопено во солен раствор или медицински алкохол.

Правете ексфолијација на скалпот

Ова е клучот за поздрава коса, особено ако сте од оние луѓе кои имаат проблем со првут, сува кожа и масна коса.

Плус, ова помага за да отстраните од кожата на главата и косата некои козметички препарати, како што е на пример шампонот за суво миење на коса.

Затворете го капакот на тоалетната школка, пред да пуштите вода

Тоалетот, дури и во домот, не може да се нарече стерилно место. Па, ако не го затворите капакот од тоалетната школка, пред да пуштите вода, се ослободуваат многу микроорганизми и бактерии во воздухот.

Тие потоа се лепат на разни површини и тоа од мијалникот, па до четките за заби.

Уште 5 навики на следната страна...