Пробајте: Потпечени палачинки со ореви и шеќер

Слатките палачинки спаѓаат во едни од омилените десерти можеби затоа што за нивната подготовка не ви е потребно многу време, а ниту скапи состојки.

Палачинките со ореви, шеќер и суво грозје потпечени во рерна се десерт кој можете да го послужите со есенското чајче или кафе и во кое ќе уживаат сите пријатели и домашни.

Комбинација на крцкави кори и сочно полнење можете да ја подготвите на следниов начин:

Потребни состојки за 12 палачинки:

• 18 лажици мелени ореви
• 18 лажици шеќер
• 750ml млеко
• 100g суво грозје
• 1 ванилин шеќер
• Совршено испечени палачинки

Подготовка:

Испечете 12 палачинки по овој рецепт. Секоја палачинка поединечно наполнете ја со 1 лажица ореви, 1 лажица шеќер и неколку зрна грозје.

Палачинките замотајте ги и ставете ги во керамичка тава за печење. Ако тавата е помала, распоредете ги во 2 реда.

Преостанатите ореви и шеќерот наросете ги одозгора. Распоредете ги и преостанатите зрна грозје.

Прелијте го млекото одозгора и оставете неколку минути да се впие.

Печете 15 минути на 200 степени.

Исечете и послужете со топло кафе или чај!