Вкусен пинџур по традиционален македонски рецепт


Вкусен пинџур по традиционален македонски рецепт

Македонија е земја која е позната по своите вкусни зимници, а на врвот на оваа листа се наоѓаат секако ајварот и пинџурот.

Tradicionalna-zimnica-kkao-da-podgotvite-vkusen-pindzur-01.jpg

Традицијата на подготовка на вакви јадење датира многу одамна, а рецептите за тоа како да направите вкусен ајвар или пинџур се пренесувале од генерација на генерација.

Ако оваа есен решите да ги засукате ракавите и да подготвите некоја од овие традиционални зимници, во продолжение ви нудиме рецепт за вкусен пинџур.

Потребни состојки:

  • 3 kg црвени пиперки
  • 1,5 kg модри патлиџани
  • 1,5 kg домати
  • 150 g лук
  • 2 dl масло
  • 250 g лути пиперки
  • по 1 лажичка сол и шеќер

Подготовка:

1. Испечете ги пиперките, модрите патлиџани и доматите, излупете ги и сомелете ги во машина за месо.

2. Ставете го маслото да се згрее во големо тенџер, па додадете го мелениот зеленчук. Додадете ги солта, шеќерот и исечканиот лук. Оставете да се динстаат 10-15 минути. Пред самиот крај додадете ги лутите пиперки, кои претходно малку сте ги запекле, но внимавајте истите да не се распаднат, туку да останат цели.

3. Жешкиот пинџур ставете го во топли, стерилизирани тегли кои веднаш ќе ги затворите и ќе ги оставите превртени да отстојат преку ноќ додека не се изладат.  

М. С. | Црнобело

Би можело да ве интересира:

Создадена за репете - „Машка солена торта“ од ќебапи Впрочем, не е наменета само за мажите, туку за сите оние кои имаат потреба од до...
Домашен рецепт за сочна, есенска пита од јаболка Еден од омилените есенски класици кои вреди да го пробате деновиве – е секако пи...
Летен десерт: Палачинки од рерна, со свежо овошје Палачинките секогаш се наоѓаат на листата на топ 5 омилени десерти, без оглед на...