Лесни бомбици за почетници во кујна - од една смеса добивате 4 вкусови

Целосно чоколадни, со вкус на овошје или јаткасти плодови – одберете омилен вкус на бомбици и направете во неограничени количини!

Како што заладува времето, сите се „затвораат“ дома, се топлат и уживаат во слатки задоволства.

Овие бомбици во 4 различни вкусови се идеални за кога сакате да подготвите нешто брзо, а не сакате да заглавите во кујна.

Се прават од една смеса, со различни додатоци зависно од желбата за вкус, и најважно - нема потреба да се печат. 

Потребни состојки за основна смеса:

• 600g мелени бисквити
• 400g шеќер во прав
• 12 лажици сок од портокал
• 500g путер или маргарин

Начин на подготовка:

Сите состојки се мешаат добро додека не добиете хомогена смеса. Смесата поделете ја на 5 делови и од секој дел формирајте околу 12 топчиња. Од смесата излегуваат вкупно околу 50 топчиња.

Потоа подгответе ги според следните инструкции за 4 различни вкусови (или одберете 1 омилен):

Бомбици со чоколадо

Стопете 100g чоколадо со 2 лажици масло и внимавајте да не останат грутки. Чоколадото префрлете во чаша, а во него извалкајте ги топчињата едно по едно, да се обложат од сите страни со чоколадо. Наредете ги на рамен сад и ставете ги во фрижидер 10 минути, па наросете ги со трошки. Повторно ставете ги во фрижидер да се стврднат.

Бомбици со јаткасти плодови

Во основната смеса измешајте 100g мелени јаткасти плодови по желба. Ќе ви бидат потребни уште 100g јаткасти плодови кои ќе ги исечкате на покрупни парчиња. Откако ќе ги формирате топчињата, извалкајте ги во исечканите јаткаси плодови (притиснете малку повеќе за добро да се налепат).

Бели бомбици

Стопете 100g бело чоколадо и повторете ја постапката како со првите чоколадни бомбици. Ставете ги во фрижидер за да не бидат премногу меки, па потоа извалкајте ги во кокос и повторно ставете ги во фрижидер да се стврднат.

Овошни бомбици

За овие бомбици ќе ви бидат потребни 12 бобинки од омиленото овошје (јагоди, малини, боровинки, капини, брусница), малку суво овошје по избор и малку густа течност од слатко или сируп за преливи.

Во средина на топчињата ставете едно овошје, па потоа формирајте ги убаво топчињата. Со лажица истурете малку од преливот, па одозгора наросете од ситно сечканото суво овошје. Ставете во фрижидер.

М. М. | Црнобело