Здрав и вкусен зимски ручек - Медитеранска чорба од леќа и домати

Кога ќе пристигнат студените денови, честопати размислуваме за тоа што би можеле да готвиме, а да е топло, здраво и вкусно. Доколку уживате во вкусот на различни видови чорби и супи, тогаш овој рецепт е за вас. 

Оваа медитеранска чорба е лесна за подготовка, а готова е за приближно 60 минути. Што ви е потребно за да го подготвите овој вкусен ручек, или лесна вечера?

Состојки:

• 500 g леќа по избор
• 150g целер
• 1 поголем морков
• 1 поголем кромид
• 300g сецкан домат од конзерва
• магдонос, сол, бибер

Подготовка:

Прво, измијте го и исечкајте зеленчукот. Додека го подготвувате зеленчукот, ставете вода и леќа во тенџере и варете додека леќата не омекне, околу 20 минути (доколку користите црвена леќа).

Кога леќата ќе биде готова исцедете ја и додадете го зеленчукот, освен доматите, зачините и водата. Варете ја чорбата на тивок оган, околу 40 минути.

Пред крајот на готвењето додадете ги исечканите домати, наросете ја медитеранската чорба со свежо сецкан магдонос и уживајте во вашиот здрав, топол и вкусен зимски ручек.

Добар апетит!

Ашера | Црнобело