Традиционален полски колач „Бабка“ – совршен за студени зимски утра со кафе или чај
Совршено меко колаче кое одлично оди со кафе или чај, а децата ќе го обожаваат како слатка ужина. Овој колач е особено популарен во Полска и Украина, а доаѓа во повеќе варијации – со цимет, јаболка, суво грозје, мармалад, чоколаден крем итн.
Потребни состојки:
За тестото:
- 350g брашно
- 40g шеќер
- 1 ќесичка ванилин шеќер
- 20g квасец
- 100g омекнат путер на собна температура
- 2 јајца
- 150ml млако млеко
- Малку сол
За филот:
- 4 лажици чоколаден крем со лешници по избор
- по желба може да додадете сечкани лешници, ореви…
Начин на подготовка:
- Растопете го квасецот да нарасне со малку шеќер и малку млако млеко.
- Во подлабок сад ставете го брашното и помешајте го со малку сол, во средината направете мала дупка и ставете го останатиот дел од млекото, едно јајце, квасецот кој веќе треба да е стасан, шеќерот, стопениот путер и замесете меко тесто.
- Тестото треба да биде многу меко и лепливо. Покријте го добро и оставете го да нарасне 2 часа. Развлечете го тестото во правоаголна форма и премачкајте го со чоколадниот крем.
- Завиткајте го во ролат и ставете го во замрзнувач најмалку 20 минути малку да се стегне.
- Извадете го и пресечете го ролатот на половина. Двете половини сплетете ги една со друга како плетенка и префрлете го колачот во плех обложен со хартија за печење. Оставете го уште 1 час да нарасне уште малку.
- Премачкајте го колачот со разматено јајце и печете го загреана рерна на 180°С околу 35 минути. Доколку сакате уште поблаго колаче кое ќе „свети“ може да го премачкате со малку стоплен мармалад по желба.
(О)Милена | Црнобело
Би можело да ве интересира:
Вкусен колач без печење со ресана и Кока-кола
Сакате да пробате нешто ново, а вкусно? Погледнете го видео-рецептот за колач со...
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Колач со путер и лимон за сите сладокусци
Едноставен, брз и вкусен - што повеќе треба за да посакате да го направите колач...
Сочен викенд ручек: Свински кременадли на скара со прелив од мед
Свинските кременадли со глазура од мед можете да ги пробате за продолжени викенд...
2 рецепта за посното мени на Свети Никола што може да ги подготвите и во последен миг
Рибата можете да ја испечете во Air Fryer, а во компир салатата да додадете и ма...
Викенд ручек: Мусака ролат со мелено месо и растопен кашкавал
Како да подготвите вкусен ручек со којшто ќе ги изненадите домашните? Пробајте г...
Препорачуваме
Најчитани неделава
