5 посни рецепти за разновидна и вкусна трпеза без месо
Згответе брз спанаќ со ориз во тенџере, супа од наут или пак потпечени гирици со компирчиња...
Во периодите кога траат постите сите оние што се придржуваат до нив се соочуваат со проблем што да зготват, затоа што им се чини дека без употреба на месо и млечни производи се максимално ограничени.
Посна сарма, риба, посен грав, алва... Што друго можете да јадете во периодот додека траат постите?
Во продолжение издвојуваме 5 посни рецепти што ќе ви помогнат да имате разновидна храна на менито и во деновите додека траат постите, а што сигурно ќе им се допаднат и на најблиските.
Супа од наут
Потребни состојки:
- 500g наут;
- 2 лажици маслиново масло;
- 2 главици кромид (ситно исечкани);
- 1 чешне лук (цело);
- 1 морков (изрендан);
- 1 лимон;
- 1 лажица сол (по вкус);
- Црн бибер (по вкус);
- Буковец или чили во прав.
Начин на подготовка:
- Ако користите сув наут, тој треба да биде потопен во вода околу 24 часа, а тоа не важи за конзервираниот наут;
- Наутот се става во длабоко тенџере со многу вода да се вари околу 10-тина минути и со лажица се собира пената што се создава на површината;
- По ова наутот се процедува во цедалка и се мие тенџерето.
- Во тенџере на оган се става 1 лажица маслиново масло и се става цело чешне лук да се пржи околу 1 минута и се трга од маслото;
- Се додава кромидот и се остава да се испржи додека не омекне;
- Во кромидот се додава и процедениот наут и се пржи околу 2 до 3 минути или додека да прими масло;
- Се додаваат ренданиот кромид и околу 1 ½ литри топла вода и супата се остава да се вари во покриено тенџере на средна температура околу 1 час (тука мора да се има предвид дека наутот од конзерва се вари многу побрзо за разлика од сувиот);
- Ако додавате вода на супата за време на варењето, водете сметка таа да биде жешка за наутот да не престане да врие;
- Кон крајот се додава сол и црн бибер, а по неколку минути се зголемува температурата на ринглата и се додава уште една лажица маслиново масло и сок од лимон и се меша со дрвена лажица за да се згусне супата.
Спанаќ со ориз од тенџере
Потребни состојки:
- 1 kg исчистен спанаќ;
- 1 лажица маслиново масло;
- 1 главица кромид (ситно исечкана);
- 1 праз, исечкан;
- 200g ориз;
- Сок од 1 лимон;
- 1 голема лажица сос од домати (или 1 ситно исечкан домат);
- 2 лажички сол;
- Црн бибер.
Начин на подготовка:
- Во тенџере на оган се става 1 лажица маслиново масло да се загрее и се додаваат кромидот и празот да се пржат додека да омекнат;
- Се додава спанаќот да омекне и да „се стопи“ во тенџерето, по што се додава и оризот да се пропржи и состојките се мешаат убаво со дрвена лажица;
- Се додава околу 1 чаша вода во тенџерето, сол, црн бибер и се намалува температурата на ринглата;
- Спанаќот се вари во затворено тенџере околу 15 до 20 минути;
- По ова се додава уште една лажица маслиново масло, сок од лимон и сос од домати и се меша;
- Тенџерето се трга од рингла, се прекрива со крпа и се остава оризот во целост да ја впие течноста.
Уште 3 рецепти на следната страна...
Би можело да ве интересира:
3 посни рецепти без масло - вкусни јадења за божиќниот пост
Брза пита од компири и праз, мусака со печурки, чорба со зелка - овие три рецепт...
Здрав посен десерт готов за 10 минути – кога ќе кризирате за благо
Додека постите, ако закризирате за нешто благо, ви требаат само три состојки за ...
Ручек готов за 30 минути: Печени компири со зачин и лосос со неодолив вкус
Компирите се варат и добро се зачинуваат, лососот се сечка на коцки и се меша со...
Колач со лимон и мак - Сочен и вкусен десерт, за целото семејство
Класичниот колач со мак можете да го подготвите во нова, посвежа варијанта - со ...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
Препорачуваме
Најчитани неделава
