Во само 40 дена се разведе и се прежени, а на 48 години првпат стана татко - Актерот Милош Тимотијевиќ од „Беса“ доби син

Детали

среда, 27 септември 2023

Српскиот актер Милош Тимотијевиќ за првпат стана татко на 48 години. Тој доби син од вториот брак со сопругата Тијана, која е 15 години помлада од него и со која се ожени по само 40 дена врска.

Српскиот актер Милош Тимотијевиќ на македонската публика ѝ е најпознат по улогите во сериите „Јужњи ветар“ и „Беса“, а минатата година за него се пишуваше откако се дозна дека одлучи да стави крај на 13-годишниот брак со првата сопруга и по само 40 дена врска се ожени за сопругата Тијана.

Сега, според информациите објавени во српските медиуми, Милош и Тијана го добиле своето прво дете, а актерот за првпат стана татко на возраст од 48 години.

Додека малку се знаеше за првата сопруга на Милош, Дијана Галиќ, која додека беше во брак со него се трудеше максимално да остане подалеку од очите на јавноста, за Тијана се знае дека е ќерка на српскиот фудбалер Саша Симиќ и дека пораснала во Португалија, каде работел нејзиниот татко.

Тијана е 15 години помлада од Милош и во моментов има 33 години, а наводно тие двајца се запознале преку заедничка пријателка и брзо сфатиле дека се сродни души.

„Тијана го запознала Милош преку своја добра другарка од детството, а која подолго време го познава и актерот. Веднаш се поврзаа и тоа беше љубов на прв поглед.

Со оглед на тоа што Милош кратко пред тоа се рааведе, тие не сакаа да губат време и нешто повеќе по еден месец забавување одлучија да се венчаат во најтесниот круг на семејството и пријателите“ – пишуваат српските медиуми.

Слично како и за врската, Милош и Тијана не сакаа да откријат дека очекуваат дете, па вестите дека добиле син останале само меѓу најблиските, но српските медиуми повикувајќи се на извори блиски до парот денес ја пренесоа веста.

Прочитајте и Милан Мариќ за секс-сцените со Милош Тимотијевиќ: „Бевме нервозни, но тоа е дел од нашата работа“

Б. С. Б. | Црнобело