„Син ми го опече анемона на Тасос“ - Како изгледа изгореницата и што треба да направите за да се заштитите?

Детали

вторник, 23 јули 2024

„Синот си играше во песокот, па го опече анемона што ја донел во кофичката“ – вели една жена која деновиве е на одмор на Тасос. Знаете ли што се морски анемони и како да се заштитите од нив?

Освен од медузи, морски ежови и дракони, кога одите на море треба да внимавате на уште едно животно, кое кај нас е познато како саса или морска анемона.

Ова месојадно животно наликува на морско растение, а допирот со него може да биде мошне болен.

Морската анемона е далечна роднина на медузите и при допир таа ве опекува.

По допирот со неа веднаш почнувате да чувствувате силна болка и чешање, а предизвикува препознатливо нафрлање на кожата, благодарение на токсините што ги испушта кога ги лови своите жртви.

Прочитајте и „Бев на одмор во Грција, ме опече виолетова медуза - како ми реагираше телото?“

Ова лето, во грчките медиуми беше објавена веста за 4-годишно девојче кое било опечено од морска анемона додека си играло во на плажата Фтиотида.

„Ќерка ни почна веднаш да вреска од болка, и дотрчавме до неа и не ни беше јасно што се случи.

Луѓето во околината, кои веќе имале искуство и биле опечени од анемона, ни појаснија што се случило.

Ги отстранивме деловите од пипалата и веднаш ѝ дадовме лек со кортизол.

Но, заради отекувањето, во следните шест месеци ќерка ни треба да прима лекови, и да не се изложува на сонце, за да не ѝ остане лузна“ – вели мајката за грчките медиуми.

Слична е и приказната на родители чијшто син си играл во песокот на брегот и веројатно анемоната ја донел со водата во кофичката, а нивната приказна е пренесена на Фејсбук групата „Грчка инфо“.

„Иако веќе 15 години наназад доаѓаме на Тасос, ова е првпат да искусиме нешто вакво“ – вели мајката на момчето.

На TripAdvisor, една корисничка зборува за плажата Каратона на Пелопонез и за нејзиното искуство со анемоните.

„Плажата е убава, голема и песочна, но има анемони во морето што ме опекоа.

Потоа нозете ми отекоа и сега и по три недели сѐ уште имам лузни.

Тешко се забележуваат во морето, затоа што изгледаат како вегетација на карпите“ – вели таа.

На следната страна прочитајте како да се заштитите од анемоните и што да направите ако ве опече...