Лепа Брена со грутка во грлото испеа хит од Бора Чорба на концерт во Белград: „Нè напушти великанот“ (видео)

Детали

четврток, 05 септември 2024

„Мораме да му оддадеме почест на великанот кој нè напушти“, рече Брена и едвај ги задржа солзите додека пееше акапела во чест на починатиот пријател Бора Чорба, како гостинка на концертот на грчкиот пејач Никос Вертис. 

Грчката ѕвезда Никос Вертис вчеравечер (04.09) одржа концерт на стадионот Ташмајдан во Белград, а специјална гостинка му беше Лепа Брена.

Пред бројната публика, Вертис ги пееше своите најголеми хитови, а потоа, на изненадување на многумина, ја најави Брена.

Публиката ја пречека со овации и силен аплауз, а таа, откако ја испеа „Ti si moj greh“, реши да му оддаде почит на својот пријател и колега, Бора Чорба, кој почина вчера во болница во Љубљана.

„Мораме да му оддадеме почест на великанот кој нè напушти“, рече Брена.

Потоа, со растреперен глас почна да ја пее во акапела верзија „А kada padne noć“, па и публиката запеа со неа на цел глас.

„Почивај во мир“, кажа Брена на крајот.

Својот настап на концертот таа го заврши со дует со Вертис - грчката и балканската ѕвезда заедно испеаја негова песна, а според српските медиуми, Брена цел ден го учела текстот за да може да го испее совршено.

Кликнете на линковите и погледнете ги видеата од настапот на Брена:

А. Ј. | Црнобело