Сергеј Четковиќ пее со улични свирачи во 2 по полноќ - му бакнува рака на гитаристот, им реди пари (видео)

Детали

четврток, 29 мај 2025

За еден ден видеото на кое Сергеј Четковиќ пее со улични свирачи на Скадарлија во Белград во 2 часот по полноќ има скоро 3,5 милиони прегледи и ги топи срцата. Освен тој, со музичарите пее и Александра Радовиќ, облечена во балски фустан.

Црногорскиот пејач Сергеј Четковиќ важи за човек со космополитски дух и големо срце. А тој, уште еднаш го покажа ова кога застана со група улични свирачи на Скадарлија во Белград, и во 2 часот по полноќ запеа со нив.

Овој интересен момент, кој свирачите ќе го паметат засекогаш, се случи по забавата и церемонијата на доделувањето награди на радиото Накси.

Со Сергеј, кој е дотеран во тегет костум, се и неговата сопруга Кристина, но и пејачката Александра Радовиќ, која носи црвен „балски“ фустан, а која доби една од наградите вечерта.

Па додека се движат по калдрмата со коцки на Скадарлија, на двајцата музичари им се приближуваат свирачите. Тие за мерак на Сергеј ја свират неговата „Нису ми дали да те волим“, а потоа и хитот на Александра - „Чувам те“.

И додека ја свират песната на Сергеј, еден од музичарите го вади својот мобилен и му го дава на друг за да ги снима.

Сергеј, пак, гледа дека детето не се снаоѓа баш најдобро, го зема телефонот и продолжува да снима додека пее заедно со тројцата свирачи.

За добро отсвирената и отпеана песна, тој им дава пари, а на крајот, на гитаристот му ја бакнува раката во знак на почит и благодарност.

„Кога по една убава вечер, во 2 по полноќ, ќе те пречека и изненади екипа на Скадарлија“ - напиша музичарот на видеото што го објави на својот Инстаграм.

Кликнете на видеото за да го погледнете:

Видеото стана вирално и за 24 часа има преку 123.000 лајка и скоро 3,5 милиони прегледи.

Видео како пее со уличните музичари сподели и Александра Радовиќ.

Па откако ќе ја испее својата „Чувам те“, таа им вели дека се одлични и им се заблагодарува што ѝ ја испеале песната заедно со неа.

Кликнете и погледнете го видеото од Александра:

А. Ј. | Црнобело