„Нема игла каде да фрлиш“ - Плажите во Сутоморе се претрупани со туристи уште во јуни (фото)

Детали

четврток, 26 јуни 2025

„Никој не сака да се турка и бори за квадрат песок“, „Вистински кошмар!“ се дел од коментарите за преголемите гужви на плажа во Сутоморе. Одмор или замор?

Сутоморе во Црна Гора е популарна дестинација за одмор по пристапни цени.

Многу е поевтино од Будва или некои од другите црногорски летувалишта.

Има шеталиште, ресторани, барови и водени активности, па многу луѓе го сметаат за добро место за семеен одмор.

Сепак, летувањето тука носи некои предизвици со себе, а тоа се масовниот туризам и непрописната градба кои предизвикуваат застој во сообраќај и пренатрупаност на луѓе на плажите во летните месеци.

Годинава, гужвите започнаа уште во јуни, а доказ за тоа се фотографиите објавени во Фејсбук групата „VOLIM CRNOGORSKO, BOKELJSKO PRIMORJE“.

Сцените од плажата од многу корисници на оваа група се оценети како вистински кошмар – буквално нема каде игла да падне, луѓето лежат едни до други, а некои ви минуваат буквално над глава.

Ако се суди по состојбата среде јуни – ситуацијата е толку напната што туристите едвај наоѓаат место да го спуштат пешкирот.

„Никој не сака да се турка и бори за квадрат песок“, гласи еден од коментарите.

Според сведоштвата, во Сутоморе плажата постојано е полна до последното место, односно нема ниту момент за слободно и опуштено капење.

фото: Фејсбук

Дел од коментарите за ситуацијата во ова познато приморско гратче на Јадранот:

„Место има само за пешкир и шише вода“.

„Оваа година никако Сутоморе! Минатата година бевме со сопругата, се движевме на плажа како боси по трње. Изберете некое друго место во Црна Гора...“

„Со тешко срце, ама оваа година се излажав со Сутоморе. И пред сезона не e добро. Цените се различни насекаде, гужви неверојатни, а сместувањето секој ден се поскапува“.

Од друга страна, имаше и такви кои велат дека, без разлика на сè, го сакаат ова место и дека дури ни гужвите не им пречат за да го минат одморот таму.

Но, ако е вака пред сезона, како е биде во јули и август, велат трети...

фото: Фејсбук

Сте го посетиле ли Сутоморе?

Линк до фотографиите ТУКА...

Прочитајте и „Бев на одмор во Улцињ и го шетав црногорското крајбрежје до Будва – магичен стар град, 13km песочна плажа“

С. С. | Црнбело / фото: depositphotos.com