„Бившите ни рекоа дека нема да си најдеме маж со нашиот патолошки однос“ – Сестрите Беквалац се фалат дека си се доволни една на друга

Детали

среда, 13 мај 2026

„Двете од своите бивши партнери сме слушнале иста реченица – ‘Нема да најдете маж додека имате таков патолошки однос’. Не беа во право, само не можеа да се справат со две сестри кои си пружаат безусловна љубов и поддршка“ - пишува Кристина Беквалац во опис на видео на кое со сестрата Наташа се смеат и уживаат во Црна Гора.

Наташа и Кристина Беквалац се едни од најпопуларните сестри на српската естрада, кои се многу блиски и функционираат како едно.

Ја имаат и најстарата сестра Драгана, но тие две се посебно неразделни, а освен што се приватно блиски, Кристина има голем удел и во кариерата на Наташа и е главна околу работните обврски на пејачката.

Сега Наташа и Кристина отпатуваа во Црна Гора, а Кристина, која е модна дизајнерка, објави видео на кое се смее со својата сестра и во описот сподели брутална вистина.

„Двете од своите бивши партнери сме слушнале иста реченица – ‘Нема да најдете маж додека имате таков патолошки однос’.

Воопшто не мислам дека беа во право, само мислам дека не можеа да излезат на крај со тоа дека постојат сестри (жени) кои една на друга си пружаат безусловна љубов и поддршка, што имаат свој став, мислење и се автентични.

Што мислите вие за тоа? Има ли вистина во оваа изјава?“ – напиша таа.

Инаку, за љубовниот живот на Наташа, сите знаат дека е турбулентен и дека има богато и скандалозно минато.

Нејзината сестра пак, Кристина, беше во брак со Иво Мартиновиќ, со кого има две деца, но се разведоа.

По одреден период повторно си дадоа шанса, но ненадминливите разлики повторно ги разделија.

Сега нема информации за нови партнери во нивниот живот, а изгледа како самите да си се доволни една на друга.

М. М. | Црнобело