Романтично запросување на Македонка на зајдисонце во Рим со поглед на прекрасниот вечен град

Детали

четврток, 08 јуни 2023

„Запросувањето беше шок за мене. Пред Петар да ме запроси имавме планови, да, но не за во толку блиска иднина. Самото запросување се случи во бар со преубав rooftop, Oro Bistro. Не можам да опишам колку бев изненадена,“ вели за CRNOBELO.com Дијана (24) од Битола. 

Дијана Трајковска (24) од Битола и Петар Трајкоски (27) од Прилеп, се свршија во вечниот град, Рим на 6 јуни 2023 година.

Дијана, која е референт во финансиско друштво, и Петар, по професија машински инженер, се запознале во Битола.

Биле во врска 2 и пол години, пред Петар да ѝ подготви романтично изненадување во вечниот град и да ја побара за жена.

Неколку дена по запросувањето, Дијана вели дека тоа ѝ било вистински шок.

За CRNOBELO.com таа ја раскажа нивната љубовна приказна:

„Со Петар се запознавме во Битола, бидејќи тој работеше таму. Почнавме врска која траеше 2 и пол години пред тој да ме побара за сопруга.

Ова ми беше изненадување во целост, беше прав шок за мене. Пред да ме запроси имавме планови, да, но не за во толку блиска иднина. Затоа и бев изненадена со самиот чин.

Сè беше толку прекрасно и романтично, а се случи во вечниот град Рим. Ова е прекрасен град и многу нè воодушеви.

Самото запросување се случи во бар со преубав rooftop, Oro Bistro. Не можам да ви опишам колку бев изненадена.

Инаку, прстенот го избрал сам и точен ми е. Целата организација и изборот на прстен биле само негова идеја и никој не знаеше дека ќе се случи вакво изненадување.

Прстенот му беше скриен во малото џепче од фармерките.

Потоа ми кажа дека имал голема трема во себе, но успеал да ја совлада за јас да не дознаам ништо во врска со тоа.

Откако се вративме во Македонија им кажавме прво на нашите родители, а потоа на роднините и пријателите“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело