Црвен фустан и црвен кармин: Антониа Гиговска гламурозна во бојата што е хит сезонава

Детали

вторник, 28 ноември 2023

Антониа Гиговска објави нов хит, а се врати и на настапите во живо. За својот прв настап избра аутфит во бојата која е вистински хит сезонава, а изгледаше гламурозно, благодарение на смелиот црвен кармин и синиот ајлајнер.

По неколкумесечна пауза, Антониа Гиговска повторно се враќа на настапите во живо, гостувањата во емисии и создавањето нова музика.

Пред само неколку дена таа повторно ја освои македонската и српската публика со песната „Брига ме“, која за брзо време стана хит и на Јутјуб за само 7 дена има над 85.000 прегледи.

На Инстаграм, пак, младата пејачка сподели фотки од нејзиниот прв настап по подолгата пауза.

На 24-ти месецов, Антониа имаше настап во Струмица, а на Инстаграм сподели фотки од нејзиниот аутфит. За почетокот на новата турнеја низ македонските градови, Антониа се одлучи за гламурозен изглед во бојата која е вистински хит сезонава.

Таа на себе носеше краток црвен фустан и црвени чевли, а до фотографиите напиша:

„Струмица. Најгласни како и секогаш, а мене секогаш посебно ме пречекувате. Се гледаме пак, едвај чекам“.

Младата пејачка одбрала и кармин со слична црвена нијанса.

Шминкерот Даниел Јовановски сподели неколку фотографии кои покажуваат како одблиску изгледа гламурозната шминка што ја направил за нашата убава пејачка, со син ајлајнер и црвени усни.

Прочитајте и Црвена како цреша – Како Македонките ја носат бојата што е вистински тренд оваа есен?

Погледнете повеќе фотки од Антониа во продолжение:

Б. С. Б. | Црнобело