„Дај на сунце“ – Новата песна на Каролина Гочева за еден час по објавувањето ја освои публиката

Детали

среда, 13 декември 2023

„Магична како и секогаш“ – стои во дел од коментарите под новиот видео спот на Каролина Гочева за песната „Дај на сунце“. Слушнете ја новата песна, што се очекува да стане вистински хит и кај нас, но и во регионот.

Нашата Каролина Гочева денес (13.12) премиерно го објави видео спотот за песната „Дај на сунце“ на нејзиниот YouTube канал, а од утре песната ќе биде достапна и на сите стриминг платформи.

Музиката и текстот на песната се на Дино Мухаремовиќ, а спотот е во режија на Миомир Милиќ.

Станува збор за нова емотивна балада, за која е снимен спот во црно-бела верзија.

Помалку од еден час откако беше објавен спотот а веќе собра голем број прегледи и лајкови.

Во коментарите се нижат голем број пофални зборови, упатени до нашата пејачка и нејзината најнова песна, како од Македонија така и од публиката во регионот.

„Магична како и секогаш. Песнава веќе 30 минути ја слушам одново и одново“;

„Браво“;

„Преубава“ – стои во дел од коментарите под видеото.

Инаку, песната „Дај на сунце“ денес премиерно во 12 часот беше пуштена на српското „Накси“ радио, а Каролина за нив изјави дека станува збор за песна во која е вложено многу љубов.

Погледнете го видео спотот за песната:

Б. С. Б. | Црнобело