Жарко Димоски како Здравко Чолиќ – Нашите актери на сцената на манифестацијата „Глумците пеат“
- Детали
- среда, 03 април 2024
Децата од актерската школа на Весна Петрушевска беа поздравени со громогласен аплауз, на сцената настапија повеќе познати наши актери, кои во рамки на манифестацијата „Глумците пеат“, покажаа што би се случило ако Македонија биде домаќин на Евровизија во 2134-та година.
Фото: Стефан Рајхл
По долгогодишна пауза, манифестацијата „Глумците пеат“, повторно станува една од позначајните кај нас.
Викендов (30.03) нашите најпознати актери застанаа на сцената и повторно запеаја пред публиката во рамки на манифестацијата која се одржува во чест на творецот на ова шоу, нашиот актер Марин Бабиќ.
Манифестацијата се одржа во Македонската опера и балет во режија на Дејан Пројковски, а под диригентската палка на Љупчо Мирковски.
Темата на овогодинешното шоу беше „Што би било ако Македонија биде домаќин на Евровизија во 2134 година“.
„Првичната идеја, да ја продолжиме традицијата и замислата на творецот на ова шоу, Марин Бабиќ, прерасна во нешто многу поголемо и околу себе обедини речиси 80 луѓе на сцена и уште толку зад неа“ – велат организаторите на манифестацијата.
На сцената покрај звучните македонски актерски имиња, се појавија и дечињата од актерската школа на Весна Петрушевска, настапија и дамите од женскиот руски хор „Славјанка“ заедно со Бедиа Беговска.
Водители на програмата беа Миланка Рашиќ и Горан Ников, а на Инстаграм се објавени повеќе фотки од актерите кои настапија на сцената.
Погледнете дел од фотографиите од настапите:
Жарко Димоски како Здравко Чолиќ
Слаѓана Вујошевиќ како Сертаб Еренер
Маја Андоновска како Тајчи
Слаѓана Вујошевиќ, Нина Деан, Ангела Димитрова и Наталија Теодосиева како XXL
Тања Кочовска и Софиа Насевска Трифуновска како дуото „Azúcar Moreno“
Posted by Tanja Kocovska on Tuesday, April 2, 2024
Петар Горко и Жаклина Стевковска
ГЛУМЦИТЕ ПЕАТ 2024 Нешто прекрасно, незаборавно ♥️
Posted by Petar Gorko on Monday, April 1, 2024
Повеќе фотографии од подготовките зад сцената (кликнете на стрелката од објавата за да ги погледнете):
Б. С. Б. | Фото: Стефан Рајхл/ Огнен Ацевски
Би можело да ве интересира:
Препорачуваме
Најчитани неделава
