Не победија, но испратија моќна порака: Green Forces го освоија 9-тото место на овогодишната детска Евровизија, победник е Ерменија

Детали

недела, 19 декември 2021

Иако нашите претставници на детската Евровизија не победија и го освоија 9-тото место, моќната порака што ја упатија со песната Green Forces не остана незабележана.

Денес, 19-ти декември, во Париз се одржа детскиот избор за песна на Евровизија, а нашите претставници го освоија 9-тото место.

Талентираните претставници кои веќе ѝ се познати на јавноста од телевизиското шоу „Дајте музика“ имаа одличен настап, а со песната Green Forces тие упатија порака за надеж и поткревање на свеста за заштита на животната средина.

Кристина, Анастасија, Миха и Филип покажаа дека се вистински професионалци, а и покрај тоа што не победија, ние сме горди на нив.

Музиката за Green Forces е дело на Роберт Билбилов, додека автор на текстот е Робин Зимбаков.

На овогодишното издание на детската Евровизија победи Ерменија.

Настапот на нашите претставници можете да го погледнете во продолжение:

Настапот на победниците од Ерменија:

Спирова С. | Црнобело