Миа Костова, по исповедта на Ксенија: „И јас имав две биохемиски бремености на 23-24 години, а на 27 го износев Андрија без проблем“

Детали

четврток, 23 февруари 2023

„Вистината е дека имам две биохемиски бремености пред Андрија, млада на 23-24 години. На 27 Андрија го износев без никаков проблем со здрава бременост, без никаква поддршка од какви било лекарства до 40-та недела...“, споделува Миа Костова.

Ксенија Николова, наша писателка и инфлуенсерка, која веќе извесен период јавно говори за борбата со неплодноста, сега во искрено видео на Инстаграм сподели дека доживеала биохемиска бременост.

Потоа, Миа Костова го сподели ова емотивно видео на Ксенија, па поттикната од него си ја отвори душата.

Таа отворено кажа дека и самата имала две биохемиски бремености.

На Инстаграм Миа напиша:

„Едно видео кое знам дека ќе ви биде кураж на сите жени кои го минувате овој пат. На Ксенија ѝ кажав во инбокс, вас ќе ви кажам тука. Многу верувам во тоа дека сè си има зошто и кога.

Вистината е дека имам две биохемиски бремености пред Андрија, млада на 23-24 години.

На 27 Андрија го износев без никаков проблем со здрава бременост, без никаква поддршка од какви било лекарства до 40-та недела и бебе од 4 ипол килограми.

Немојте да „паѓате“ и верувајте дека доаѓа вистинското бебе во вистинско време.“

Прочитајте и Ксенија Николова со емотивна исповед: „Бев бремена и за неколку дена се загуби тоа што се нарекуваше бременост“

С. С | Црнобело