Прва фотка на Јаков Спасов, синот на Дац со ќерката Гаиа: „Не постои поголема среќа“

Детали

сабота, 04 март 2023

„Не постои поголема среќа“ – напиша на една од фотографиите сопругата на Јаков Спасов, Софија. Таа ги објави првите фотографии од сопругот со новородената ќеркичка Гаиа.

Сопругата на актерот Јаков Спасов и снаа на Дац, Софија Спасов ја објави првата фотографија од ќеркичката Гаиа и сопругот.

Како што може да се види од фотографијата објавена на Инстаграм, Софија и Гаиа веќе се вратиле дома, а Јаков ужива во улогата на татко.

Ќерката му е во раце, а до него има голем ранец на кој пишува „Daddy Bag“ (Чантата на тато).

За потсетување, актерот Драган Спасов Дац на 02.03 ја сподели среќната вест на социјалните мрежи и откри дека неговите син и снаа станале родители на Гаиа.

Софија претходно објави уште една фотографија на Инстаграм Стори со ќеркичката и напиша:

„Не постои поголема среќа. Фала ви на сите за искрените желби“.

Софија и јаков стапија во брак во мај минатата година, а во јули додека беа на меден месец во Исланд открија дека очекуваат бебе.

Б. С. Б. | Црнобело