3 предлог книги за на плажа од македонските инфлуенсерки

Што читаат Јелена Спенџарска, Миа Костова и Теона Манго на плажа? Погледнете кои се нивните три книжевни предлози што ги споделија на социјалните мрежи...

Уживање покрај море, на лежалка со коктел во рака или со книга, секој има свој вкус, а три наши инфлуенсерки на своите Инстаграм профили решија да откријат дека ова лето нашле време да прочитаат и некои од новите книжевни изданија на нашите издавачки куќи.

Што читаат македонските инфлуенсерки на плажа:

Јелена Спенџарска – „Врати ме назад“- Б. А. Парис

Фин и Лејла се млад вљубен пар кои сметаат дека го имаат целиот живот пред себе. Додека се враќаат од одмор од Франција една ноќ, Фин застанува за да отиде до тоалет и ја остава својата девојка сама во автомобилот, но кога се враќа, неа ја нема.

Тоа е приказната што тој ѝ ја раскажува на полицијата, но не е целосната вистина.

По 12 години, Фин веќе успеал да го изгради својот живот со сестрата на Лејла, Елен, а ќе добие мистериозен телефонски повик заради кој тој ќе почне да бара одговор на голем број неодговорени прашања од минатото.

Теона Манго – „Станот во Париз“ - Луси Фоли

Романот беше номиран за најдобра мистерија и трилер во 2022-ра година според платформата за читатели Goodreads.

Дејството се одвива во станбена зграда во Париз каде секој станар има по некоја тајна.

Џес има потреба од нов почеток. Во моментот кога останува без пари и без работа, таа одлучува да престојува одреден период во станот на нејзиниот полубрат Бен, којшто воопшто не звучи воодушевено во моментот кога таа му ја соопштува веста.

Таа се појавува во неговиот преубав стан и првото нешто што сака да го праша е: „Дали тој воопшто може да си дозволи таков стан?“

Но, Бен не е тука, а колку повеќе Џес се обидува да открие што се случува со него, таа наидува на толку поголем број неодговорени прашања.

Миа Костова – „Господин неподнослив“ - Вај Киленд

Шарлот оди во продавница за стари работи за да ја продаде својата венчаница, а таму сосема случајно наоѓа нова сина венчаница со интересен натпис:

„Ти благодарам што ми ги оствари соништата!“

Така започнува приказната меѓу неа и Рид Иствуд, кој по сплет на околности наскоро ќе стане нејзиниот нов шеф.

Романот е одличен за сите оние што сакаат романтични приказни со заплет и среќен крај.

Б. С. Б. | Црнобело