Од луксузни тоалети, до чудни наметки врз долна облека – Најдобро и најлошо облечените на Еми награди 2024

Детали

вторник, 16 јануари 2024

Селена Гомез и Суки Вотерхаус беа меѓу најдобро облечените, а неколку дами успеаја да го привлечат вниманието и со своите ужасни комбинации на црвениот тепих. Кои беа најдобро, а кои најлошо облечените ѕвезди на Еми награди 2024?

Иако веќе влеговме во 2024-та година, светски познатите ѕвезди синоќа (15.01) парадираа на црвениот тепих за да си ги земат Еми наградите за 2023-та година.

Заради штрајкот на актерите, манифестацијата што требаше да се одржи во септември минатата година беше одложена неколку месеци, а годинава доделувањето на Еми наградите падна во сенка на Златните Глобуси и Critics‘ Choice Awards, но тоа не ги спречи познатите на црвениот тепих да прошетаат во своите најдобри (и најлоши) модни изданија досега.

Селена Гомез беше меѓу најдобро облечените со нејзиниот „гол“ фустан изработен со голем број детали во боја на вино.

Бремената девојка на Роберт Патинсон, Суки Вотерхаус, го покажа трудничкиот стомак во црвена тоалета со гол грб, а Џесика Честејн изгледаше одлично во зелен фустан, надополнет со сребрени нишки во здолништето.

Клер Дејнс се појави во розова Барби тоалета, додека пак Кортни Кардашијан и Тревис Баркер беа модно усогласени во црни костуми на нивното прво појавување на црвениот тепих откако го добија синот Роки 13.

Меѓу оние што направија модни промашувања беше инфлуенсерката Ема Брукс која на себе носеше фустан со оптичка илузија, заради кој изгледаше како да е целосно гола на црвениот тепих.

Лошата комбинација од кристали и цветен дезен на фустанот на Али Вонг едноставно не можеше, а да не се вброи меѓу најлошите, а имаше уште неколку познати дами, кои дефинитивно ги оставија сите со подзината уста заради лошите модни комбинации.

Во продолжение погледнете дел од најдобро и најлошо облечените ѕвезди на Еми награди 2024:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело