Пред Вилијам била во врска со згоден правник – Каде е денес мажот што ѝ го украл срцето на Кејт Мидлтон, пред принцот?
- Детали
- недела, 11 февруари 2024
Пред да ја започне врската со принцот Вилијам Кејт Мидлтон била во врска со друг студент на факултетот каде што студирала. Денес тој е успешен адвокат и има три деца, а Кејт е пријателка со неговата сопруга. Погледнете како изгледа човекот кој пред Вилијам успеал да го освои срцето на принцезата од Велс?
Кејт Мидлтон денес е во среќен брак со принцот Вилијам со кого има три деца, но малкумина знаат дека пред да биде со него, таа била во врска со нејзин колега од универзитетот Сент Ендрјус, Руперт Финч.
Оваа кратка врска беше прикажана во шестата и последна сезона на ТВ серијата The Crown, каде беа опфатени факултетските години на принцот Вилијам и почетокот на неговата љубовна приказна со Кејт.
Интересно е тоа што и по раскинувањето, Кејт и Руперт останале во добри односи па тој заедно со поранешните девојки на Вилијам, Оливија Хант и Карли Маси-Берч се појави на кралската венчавка во 2011 година.
Како што објави магазинот „Hello", Руперт денес работи како адвокат во фирма во Лондон.
Во 2013 година, Руперт го кажа судбоносното „да“ на својата избраничка, лејди Наташа Руфус Ајзакс, ќерка на маркизот Сајмон Руфус Ајзакс, со која има три деца.
На свадбата беа поканети и Кејт и Вилијамс.
Наташа е англиски аристократ и основач на модната куќа Beulah London.
Дека се во одлични пријателски односи говори и фактот што Кејт е долгогодишен обожавател на модниот бренд на сопругата на нејзиното поранешно момче, а и во неколку наврати на јавни настани се појави во фустани со потпис на Beulah.
„Чест е да се види војвотката во дизајн на Beulah. Таа е прекрасен амбасадор за британските брендови и тоа е поважно од што било во моментов“ - изјави претходно Наташа за магазинот Hello!.
Освен Руперт, Кејт Мидлтон, пред да се запознае во Вилијам, беше во врска и со Вилијам Маркс кој всушност бил нејзина прва љубов.
Врската ја започнале во 2000 година. По раскинувањето тие останале пријатели. Денес, Маркс е телевизиски репортер.
Се шпекулираше дека по кратката разделба со принцот Вилијам, Кејт била во романса со Хенри Ропнер.
В. К. | Црнобело
Би можело да ве интересира:
Препорачуваме
Најчитани неделава
