Клои Кардашијан откри како успеала да ослаби 36kg по бременоста: „Ми беше многу тешко“

Детали

петок, 10 мај 2024

Клои Кардашијан, за разлика од нејзините сестри, многу почесто се соочувала со критики за изгледот, а сега откри што направила и како успеала во последните неколку години да се ослободи од вишокот од 36 килограми, за денес да биде во топ форма.

Во 2018-та година Клои се породи со ќерката Тру, а сега во гостување во подкаст, откри дека по бременоста тежела повеќе од 92 килограми и не била задоволна од својот изглед.

Пред да остане бремена, ријалити ѕвездата имала стриктна рутина за вежбање, а по бременоста била мошне загрижена за тоа како пак ќе се врати во теретана.

„Првиот пат ми требаа многу години за да ослабам, но бидејќи знаев што треба да правам, ги имав сите алатки, по бременоста успеав многу побрзо да ослабам од првиот пат.

Бев премногу горда на себе, успеав да ослабам двапати“ – вели Клои.

Таа признава дека пред да почне да слабее, често знаела емоциите да ги потиснува со храна.

„Отсекогаш сум била спортски тип, но буцка. Отсекогаш спортував, но никогаш не бев во топ форма.

Мојот проблем отсекогаш била храната и морав да бидам одлучна за тоа што смеам, а што не смеам да јадам. Пицата ми е најголема слабост, но сега никогаш нема да изедам цела пица одеднаш.

Затоа најважно е прво да го тренирате мозокот“ – вели Клои.

Таа вели дека по бременоста со Тру, прво нешто што направила било тоа што се откажала од газирани пијалаци, па потоа почнала да ги исфрла сите оние работи заради кои имала проблем со телесната тежина.

„Малку по малку, ги исфрлав работите што ми пречеа. Следната недела ќе исфрлев уште нешто затоа што сфатив дека сум ја пробала секоја можна диета додека бев помлада и не ми помогнала“ – раскажува Клои.

Таа вели дека била свесна дека слабеењето не може да се случи преку ноќ и била мошне трпелива.

Познато е дека Клои вежба редовно, а се придржува до диета богата со протеини, но во ограничени порции и избегнува да консумира јеглехидрати, но и млечни производи.

Самата тврди дека забележала дека млечните производи не ѝ дозволуваат да ослаби, па затоа целосно ги исклучила од исхраната.

Во текот на денот таа има 8 помали оброци, а консумира само здрава и органска храна.

Наместо вештачки, се труди да внесува само природни шеќери.

Прочитајте и „Пробав да ја држам диетата со која Клои Кардашијан ослабе 20kg – цел ден јадам и пак сум гладна“

Б. С. Б. | Црнобело