Бившата на Ерос Рамацоти плачеше – Детали за свадбата на најзгодната италијанска спортска презентерка

Детали

среда, 26 јуни 2024

Околу 10 месеци откако се породи, најзгодната спортска новинарка Дилета Леота стапи во брак со таткото на нејзината ќерка. Свадбата се одржа во луксузен италијански ресорт, а меѓу гостите беше најпознатата италијанска инфлуенсерка Кјара Ферањи.

Викендов најзгодната италијанска спортска новинарка Дилета Леота стапи во брак со нејзиниот партнер Лорис Кариус, со кого во август минатата година ја доби ќерката Ариа.

Свадбата на Дилета и на Лорис беше топ тема во речиси сите италијански медиуми, а меѓу поканетите и гостите беа некои од најпознатите личности во Италија.

Поранешната сопруга на пејачот Ерос Рамацоти, Мишел Ханзикер, сподели видео на Инстаграм на кое плаче за време на церемонијата, а меѓу гостите беше и најпознатата италијанска инфлуенсерка Кјара Ферањи.

Во продолжение повеќе интересни детали за свадбата на најзгодната италијанска спортска презентерка:

Свадбата се одржа на 22 јуни, во лускузен ресорт сместен на вулканскиот остров Вулкано, во близина на Сицилија.

Свадбата се одржа на роденденот на младоженецот Лорис Кариус, кој тој ден наполни 31 година (и е една година помлад од презентерката).

Вечерта пред свадбата, парот направи голема забава за гостите, а задолжително, сите требаше да се појават облечени во бело. На социјалните мрежи беа споделени повеќе видеа и фотографии од забавата.

Дилета на свадбата носеше две бели (голи) венчаници изработени од тантела, а на долгиот вел што го носеше за време на церемонијата беа испишани зборовите „Сѐ што отсекогаш сум посакувала“.

Таа до олтарот беше придружувана од нејзиниот татко Роси Леота, а во позадина музичарите ја изведуваа песната All of Me.

Честа да ги носи бурмите, ја имаше нејзиното куче померанец, кое на церемонијата беше облечено во смокинг.

За потсетување, Дилета во минатото беше во врска со згодниот турски актер Џан Јаман. Потоа ја започна врската со голманот Лорис Кариус со кого ја доби ќерката Ариа во август минатата година.

Погледнете уште неколку фотографии и видеа на следната страница...