Џеј Ло сексапилна на настан со ќерката со момчешки стил – таа е небинарен род, неодамна ја поврзуваа со нов дечко

Детали

петок, 04 април 2025

Еме е копија на нејзината мајка во ликот, но имиџот ѝ е целосна спротивност – сака да се облекува момчешки, има кратка коса, а неодамна е забележана со дечко кој има сличен стил со неа. Сега Џеј Ло се појави гламурозна на настан, со ќерката облечена во одело.

Џенифер Лопез се појави на настан во Бродвеј, заедно со 17-годишната ќерка Еме и ги украде сите погледи со својата харизма, но и со нејзината омилена придружничка, која ѝ е најголема љубов и поддршка.

Двете беа облечени во елегантен црн аутфит – но, Џеј Ло додаде доза гламур и сексапил со кадифен црн фустан со длабоко деколте, додека Еме го задржа момчешкиот стил во одело со кравата и синџирчиња како моден додаток.

Неодамна двете присуствуваа на премиера, а пејачката тогаш изјави дека ќерката ѝ е најдобар партнер за вакви настани.

Тогаш мама Лопез беше облечена во дводелен аутфит со светки и бунда, а нејзината наследничка се одлучи за костим во риги со неколку модни додатоци кои ја дополнија комбинацијата.

Иако кога беше мала, Лопез се обидуваше да ѝ наметне стил, па се појавуваше во фустанчиња и со долга фризура што наликува на стилот на Џеј Ло, веќе неколку години наназад таа негува момчешки стил и кратка коса.

Во 2022, на заеднички настап, пејачката ѝ се обрати на ќерката со заменката „тие“ наместо „таа“, па со тоа соопшти дека веројатно Еме се декларира како небинарен род.

Прочитајте повеќе: Ќерката на Џеј Ло во момчешка облека пее во дует со мајка ѝ, откриено зошто наеднаш го промени имиџот (фото+видео)

Тинејџерката многу се дружеше со ќерката на Бен Афлек додека ѝ беше очув, а двете се пронаоѓаа себеси во исти хобија и имиџ.

Пред неколку месеци, пак, Еме беше забележана прегрната со момче, за кој се шпекулираше дека ѝ е нов дечко, а двајцата имаа сличен аутфит - широки панталони и блуза.

Иако се сосема различни во модниот избор, сепак дефинитивно ќерката на Лопез ја наследила нејзината природна убавина.

Погледнете повеќе фотки од последните појавувања на Џеј Ло и Еме:

М. М. | Црнобело