Скандалите од светот на шоу-бизнисот што ја одбележаа 2025-та

Загрижувачкото однесување на Џастин Бибер

Како Бритни Спирс, и однесувањето на Џастин Бибер годинава беше ставено „под лупа“.

Пејачот неколкупати беше снимен како се однесува чудно, па и бизарно во јавност, а и извори блиски до него тврдеа дека имаат сериозни проблеми со сопругата Хејли.

На некои фотки од пејачот се гледа и некаков бел прашок, за кој многумина сметаат дека е дрога.

Џастин има изјавено дека до 19-годишна возраст веќе користел дрога, но тврдеше дека престанал.

Во последно време се чини дека состојбата му се подобрува, исто како и бракот со Хејли.

Драмата на Бекамови

Јавноста почна да ги забележува семејните проблеми на Бекамови откако Бруклин Бекам и сопругата Никола го прескокнаа 50-тиот роденден на Дејвид во мај.

Набрзо потоа се дозна дека Бруклин го влошил односот и со неговите браќа.

Уште се шпекулира за тоа како почнал раздорот, но наводно причината е влошениот однос меѓу Никола и Викторија.

Конфликтот меѓу нив почнал уште за време на свадбата на Бруклин и Никола.

Сепак, друг извор вели дека Бекамови, едноставно, не ја сакаат Никола и пробувале да изградат некаков однос со неа, но залудно.

Обвиненијата за насилство на Дениз Ричардс против сопругот

Дениз Ричардс побара забрана за приближување за нејзиниот сопруг, откако го обвини за физичко и вербално насилство.

Во седумте години што се заедно, Дениз многупати била напаѓана од сопругот, а во една пригода дури и ѝ се заканувал дека ќе ја убие.

Таа сподели и вознемирувачки фотки на кои ѝ се гледаат модринки.

Во ноември, барањето за забраната за приближување ѝ беше одобрено.

Судењето на Пи Диди

Скандалот што ја обележа годината е, секако, судењето на Пи Диди.

Познатиот музичар и продуцент беше обвинет за низа злодела, вклучително семејно насилство, присилна проституција и рекет.

Јавност будно го следеше судењето, а најболни беа сведоштвата на неговата поранешна девојка Кеси која не само што била жртва на семејно насилство, туку била и присилувана да учествува на развратните забави на музичарот.

И покрај потресните сведоштва, Пи Диди доби само четири години и два месеца во затвор. За најсериозните обвиненија, како присилна проституција, беше ослободен.

Спирова С. | Црнобело