Кога ѕвездите си мислат дека ги бива за сè...

Детали

понеделник, 23 јули 2012

Многу често, на славните личности наеднаш ќе им „светне“ дека освен професијата која ги прославила, нив фактички ги „бива“ и за многу други работи, па се одлучуваат за друга професија – ама, често неуспешно.

Пример за такво нешто се следниве познати лица:

Мараја Кери – Како пејачка (особено во 90-те) продаваше милиони албуми, што и носеше двојно повеќе долари и еден куп работи што ги носи славата со себе. Што ли текна да се глупира во филмот „Glitter“ од 2011 година, не ѝ јасно на јавноста.

Џенифер Лав Хјуит – Тука пак имаме обратна ситуација. „Жешката“ актерка која ја знаеме од неколку романтични филмови, но и чат-пат нешто сериозно, реши да стане пејачка, па така уште на старт се реши да направи четири албуми, за кои критиката вели дека не ги бива за ништо. Но, актерката упорно тврди дека барем во Јапонија е вистинска пејачка ѕвезда.

Шекил О’Нил – Еден од најпознатите НБА центри, уште пред пензионирањето од НБА, сфати дека во него лежи раперски потенцијал, па така реши да му покаже на светот како се рапува. Уште една промашена работа – не ги бива сите да бидат Тупак Шакур.

Мадона – Малкумина знаат дека светски познатата поп кралица од секогаш сакала да биде актерка, па така нејзината актерска кариера започнува уште во 1986 година со „Shanghai Surprise“ – но, како и кај многу други случаи, одговорот на прашањето „зошто не сме виделе добра глума од неа во некој филм?“ се состои во самото прашање.

Мајкл Џордан – Човекот поради кои многумина од нас не спиеле до 6 наутро за да го гледаат во Плеј-Оф, дефинитивно нема да не натера да го направиме истото и со новиот спорт во кој тој си ја пробува среќата. Џордан беше одличен НБА играч и нема потреба да му ги расипува спортските спомени на народот со бејзболот.