Холивудски дами: убави и самоуверени и по педесеттата година

Детали

понеделник, 17 март 2014

Малку контрадикторно, но токму околу педесеттата година, кога жените ќе се соочат со стареењето на телото и ќе успеат да го прифатат како природна појава, тогаш единствено што им останува е да уживаат во него и да знаат да се носат соодветно.

Токму тоа ја подигнува нивната самодоверба и ги прави убави, паметни и самоуверени во новата доба од животот.

Вакви примери има и помеѓу холивудските ѕвезди кои докажуваат дека и на 50 години може да изгледате одлично:

Шерон Стоун (56)

Во 90-тите беше врвот на нејзината кариера, но и во 2014 година таа спаѓа во водечките секс симболи. Познати се нејзините изјави дека не сака да прави никакви пластични операции за измазнување на кожата, бидејќи брчките ги има прифатено како дел од себе.

Деми Мур (51)

Деми не може да им одолее на пластичните операции и иако нејзината специфична убавина не е целосно  дело на природата, сепак заслужува да се најде на листата меѓу најубавите жени во педесеттите години.

Мишел Фајфер (55)

Младешкиот лик и нежните линии прават оваа дама да изгледа вечно млада или барем помлада од своите колешки. Таа има изјавено дека младоста ја поминала со цигари и Coca-Cola, но со текот на годините ги надминала пороците и сега се обидува да ја задржи својата убавина со стил.

Џулиен Мур (53)

Актерката која освојува со својата глума е една од ретките кои толку долго време успева да го задржи својот изглед со минимални промени. Има свој стил кој одлично знае да го приспособи во секоја доба. Вистинска холивудска дама.