Били Боб Торнтон проговори за контроверзниот брак и развод со Анџелина Џоли

Детали

четврток, 14 јуни 2018

Од носење на ѓердани со крв околу вратот до јавно изразување на емоции и страст на црвениот килим, нивниот брак ги полнеше насловните страници.

Били Боб Торнтон (62) во едно неодамнешно интервју проговори за бракот со Анџелина Џоли (43). Тие беа заедно од 2000 до 2003 година, нивниот брак беше во фокусот на медиумите, а денес се сè уште пријатели.

Во интервјуто тој изјави:

„Енџи сè уште ми е пријателка и таа е прекрасна личност, која прави многу. Создава филмови кои ѝ се важни, без разлика дали тие ќе успеат или не, сè уште го прави тоа во кое верува и јас секогаш ќе ја почитувам поради тоа.“

За хаосот во медиумите што го предизвикуваше нивниот брак тој вели:

„Многу од работите кои се пишуваа беа претерани. Нашиот брак не беше толку луд како што луѓето сакаа да мислат. Ѓерданите со крв кои ги носевме беа едноставна работа. Одлучивме еј ајде ќе ги боцнеме нашите прсти со пенкало да излезе малку крв за да ја ставиме во шишенце на вратот и да ја носиме секој пат кога ќе бидеме разделени. Толку беше едноставно, но кога излезе во медиумите изгледаше како да носиме по кофа крв околу нашите вратови.“

За причината за развод Торнтон открива:

„Ние едноставно имавме поинакви животни стилови. Таа сакаше да живее глобално, а јас имав агрофобичен стил на живот, сакав да сум дома. Тоа е единствената причина поради која не сме заедно. Сакавме да тргнеме по различни патишта во животот.“

Во една пригода тој изјави дека причина за разводот било и тоа што сметал дека не бил доволно добар за неа, но не сакал да се промени затоа што е таков каков што е.

Били сега е во брак со Кони Енгланд со која има 13-годишна ќерка.

Прочитајте и факти за бракот на Анџелина Џоли и Бред Пит, кои можеби не ги знаевте!

С. С. | Црнобело