Полусестрата на Меган Маркл удри со критики по божиќната честика на Меган и Хари

Детали

вторник, 18 декември 2018

Саманта Маркл ја обвини Меган за дрскост и некултура, додека Томас Маркл, нивниот татко, вели дека Меган отсекогаш била контролирачки настроена личност.

Контроверзната Саманта Маркл ја прокоментира божиќната честитка на нејзината сестра Меган и принцот Хари и ја нарече тажна и некултурна.

Честитката е фотографија од нивната свадба на која се прегрнуваат гледајќи кон огнометот и со грбот се свртени кон камерата.

И додека многумина ја пофалија оваа фотографија од парот, Саманта изјави дека е некултурно што тие го свртеле грбот.

„Дали е кон светот или само кон семејството Регланд и Меган? Малку е тажно. Соочете се со божиќниот дух.“

„Навистина е некултурно да го свртите грбот на божиќна фотографија која треба да сподели топлина и убави желби до светот“, изјави Саманта.

Инаку Меган и нејзината полусестра имаа турбулентна врска и не зборуваат веќе 10 години.

Од друга страна таткото на Меган, 74-годишниот Томас Маркл, која нема зборувано со својата ќерка од нејзината свадба во мај вели дека се обидува да воспостави контакт со ќерка си, но безуспешно. Тој ѝ праќал пораки секој ден, а вели дека испраќал и писма до палатата.

„Меган отсекогаш била контролирачки настроена личност, но никогаш не била некултурна. Сега јас не постојам за неа. Ја сакам многу и би сакал да ми се јави. Треба да има место за мене. Јас сум ѝ татко. Можеме да се справиме со сè, ние сме семејство“, изјави Томас во интервју кратко откако беше објавена божиќната честитка на Хари и Меган.

Прочитајте и 11 знаци дека Меган Маркл веќе се чувствува „заробено“ од кралскиот живот!

С. С. | Црнобело