Вистинската причина зошто една од Pussycat Dolls девојките „го пропушти“ обединувањето на групата

Детали

вторник, 03 декември 2019

Во 2006-та година почнаа гласините дека девојките од Pussycat Dolls не се поднесуваат, наводно затоа што требало да бидат вокална група, а не да бидат водени од гласот на Никол Шерцингер.

Во 2012-та година пак, Никол призна дека пеела 95% од песните на групата.

Мелоди Торнтон не беше воодушевена од сето ова и очајно се обидуваше да се избори за своето место во групата.

Работите ескалираа токму во 2006-та година, кога Мелоди реши да изведе неколку секунди фалш соло на сцената.

Никол беше очигледно збесната од лутина.

Бидејќи веројатно тоа беа најнепријатните 30 секунди во нивната музичка кариера:

Години подоцна, Мелоди не беше дел од реобединувањето на групата и сега изгледа знаеме зошто.

„Бев пејачка, а не танчарка, но не ми беше дозволено да пеам и ми беше кажано дека не знам да играм.

Луѓето мислат дека сум ѝ лута на Никол бидејќи таа пееше, а јас не. Не е точно. Тоа беше нејзин сон и се оствари за неа. Само го сакав истото и за мене. Го сакав најдоброто за сите.

Јас сум феноменален вокалист, но никогаш немавте шанса да го слушнете тоа. Сепак, не е вина на Никол,“ објасни Мелоди во едно интервју за Mirror UK.

Да се потсетиме на настапот кој вреди да го изгледаме повеќе од еднаш...

М. Д. | Црнобело