Прво појавување на Киану Ривс и девојката откако ја открија врската (фото)

Детали

понеделник, 24 февруари 2020

Во четвртокот вечерта, Киану Ривс и неговата девојка Александра Грант беа за првпат забележани заедно, после првото јавно појавување во ноември.

Холивудската ѕвезда и девојката го напуштаа хотелот Omni во Сан Франциско, а фановите на улицата се обидуваа да „украдат“ фотографија од парот.

Киану носеше долго црно палто и кафеава блуза, а Александра одбрала капут со леопардски принт и UGG чизмички.

Киану престојуваше во Сан Франциско за снимањето на долгоочекуваното продолжение на „Matrix“, чија премиера се очекува во 2021-ва година. Продукцијата на филмот започна на почетокот на јануари.

Актерот беше забележан и за време на снимањето на улиците на Сан Франциско.

Во меѓувреме, Александра присуствуваше на забава организирана од Гвинет Палтроу, каде што имаше едно правило за сите жени - да се појават без шминка.

Откако Александра и Киану ја соопштија нивната врска во ноември, многумина почнаа да се прашуваат од кога се всушност заедно.

Додека некои сметаат дека се пар само неколку месеци, пред некое време се откри дека, наводно, Киану и Александра се заедно со години.

Спирова С. | Црнобело