Бен Афлек за бившата, заради која раскина со Џеј Ло: „Ќе продолжев да пијам ако останев во брак со Џенифер Гарнер“

Детали

среда, 15 декември 2021

Бен Афлек вели дека се чувствувал заробен во бракот со Џенифер Гарнер и дека најверојатно ќе продолжел да пие доколку останел во брак со неа. Изјавата ја даде само неколку дена откако беше фотографиран како се расправа со поранешната сопруга на улица во Лос Анџелес.

Бен Афлек (49) гостуваше во шоуто на Хауард Стерн каде говореше за борбата со алкохолизмот, но и за неговиот брак со Џенифер Гарнер.

„Најверојатно ќе се задавевме. Најверојатно ќе продолжев да пијам. Делумно почнав да пијам затоа што се чувствував заробено. Се чувствував дека не можам да си заминам заради децата, но не бев среќен и што правев? Пиев секоја вечер по шише скоч за да заспијам на каучот и тоа не беше вистинското решение“ – вели тој.

Бен додава дека тој и Гарнер се обиделе да го спасат бракот заради децата Вајолет (16), Серафина (12) и Семјуел (9) и дека таблоидите не ја пренеле вистината за распаѓањето на нивниот брак.

Во дел од таблоидите, покрај вестите за неговите пороци, имаше гласини дека главната причина за развод била таа што актерот ја изневерил сопругата со дадилката на децата.

„Сè што прочитавте во весниците за нашиот развод беше сра*е. Вистината е дека си дадовме време, донесовме одлука… И се разделивме. Нашиот брак не функционираше.

Тоа се случува. Јас неа ја сакам и ја почитувам, но сметам дека не би требало да бидам во брак со неа“ – вели Афлек.

Инаку, Бен и Џенифер неодамна беа забележани како јавно се расправаат на улица во Лос Анџелес. Се знае дека тие се во пријателски односи и двајцата подеднакво се вклучени во одгледувањето на нивните деца. 

Дополнително, Џенифер беше таа што го однесе Бен на рехабилитација за да му помогне да се справи со пороците и му беше поддршка иако не беа заедно. Дел од медиумите пишуваат дека со ова интервју, тој сурово ја понижил сопствената сопруга, а со тоа и нивните деца.

Џенифер Гарнер го носи Бен Афлек на рехабилитација

Прочитајте и Бен Афлек гневно се расправа со бившата Џенифер Гарнер, додека со Џеј Ло е како потполно друга личност (фото)

Актерот кој по разводот во 2018-та година беше на рехабилитација, во разговорот кај Хауард Стерн откри дека јавниот развод со Гарнер на миг го натерал да размисли дали воопшто сака да се смири со поранешната свршеница Џенифер Лопез, со која ја обнови врската во април годинава.

„Секако, бев загрижен… Одговорноста за моите деца е најголемата одговорност што ја имам, па затоа нема да направам ништо што е болно или деструктивно за нив. Знам дека мојот живот влијае и врз нив“ – вели Бен.

Инаку, за потсетување, Бен Афлек и Џенифер Гарнер се запознаа на снимањето на филмот Pearl Harbor во 2000-та година. Но, се вљубиле еден во друг додека работеа на нивниот следен заеднички проект, филмот Dradevil.

Тие ја почнаа врската откако Бен ја раскина свршувачката со Џеј Ло, а Џенифер Гарнер се разведе со тогашниот сопруг Скот Фоли, а во 2005-та година стапија во брак.

Прочитајте и Се вљубил во Џенифер Гарнер додека бил со Џеј Ло: Детали како Бен Афлек раскина со Џеј Ло и се ожени со Гарнер

Б. С. Б. | Црнобело