Хејли Бибер проговори за мозочниот удар: „По низа испитувања утврдија дека имам срцева мана, мораа да ми направат операција“

Детали

четврток, 28 април 2022

Поради вродена срцева мана Хејли Бибер морала да помине операција на срцето. Минатиот месец таа беше итно пренесена во болница заради мал мозочен удар, а сега во видео таа за првпат откри што точно ѝ се случило.

Хејли Бибер (25) за првпат отворено проговори за нејзината здравствена ситуација откако минатиот месец беше хоспитализирана заради тромб во мозокот.

Таа објави видео на YouTube во кое раскажа што точно ѝ се случило и зошто морала итно да биде оперирана.

„На 10-ти март имав мошне страшен инцидент. Седевме на појадок со сопругот, имавме сосема нормален ден, нормален разговор и среде разговор почувствував како нешто ми се движи низ раката од рамото до врвовите на прстите и не ги чувствував ниту прстите, ниту целата десна страна од телото.

Не можев да говорам.

Се обидов да кажам нешто но, не можев, и веднаш помислив дека имам мозочен удар. Тоа беше најстрашниот момент во мојот живот и многу работи ми поминаа низ главата“ – појаснува Хејли.

Моделот раскажува како првично не можела да говори, но сепак била во можност да се движи, а со текот на времето полека почнала да ѝ се враќа и можноста за говор.

Во болницата во Палм Спрингс било утврдено дека Хејли имала тромб на мозокот, но за среќа, кај неа тромбот успеал сам да помине низ телото или да се разбие и вообичаено симптомите од ваквите појави траат помалку од пет минути.

Сопругата на Џастин Бибер раскажува како цела ноќ ја поминала во болница и ѝ биле направени повеќе тестови.

Биле правени тестови за да се утврди дали таа има проблеми со коагулација со крвта или автоимуна болест, а по сите испитувања никој не претпоставил дека има проблеми со срцето, затоа што сите тестови првично изгледале во ред.

По темелни испитувања конечно утврдиле дека таа има отвор меѓу двете горни комори на срцето заради што морало итно да ѝ биде направена операција.

„Кога повторно отидов во болница направивме длабински тестирања, на кои утврдија дека имам процеп помеѓу левата и десната комора на срцето (PFO – patent foramen ovale).

Овој процеп треба да се затвори сам по себе по раѓањето, но кај мене не се случило тоа. Открија дека имам највисок степен на отвор.

Вообичаено срцето го филтрира тромбот и го носи до белите дробови и тие го апсорбираат затоа што се големи и можат да го поднесат. Но, кај мене тромбот излегол од процепот на срцето и пропатувал до мојот мозок, поради што имав мини мозочен удар“ – вели таа.

По ова Хејли имала кратка хируршка процедура за да се затвори процепот меѓу коморите и вели дека сега се чувствува добро и закрепнува.

Погледнете го видеото од целата исповед на Хејли:

Прочитајте и Џастин и Хејли Бибер шетаат прегрнати по хоспитализацијата за тромб во мозокот: „Беше многу страшно, но таа е силна“

Б. С. Б. | Црнобело