Ким открива детали за фустанот на Мерилин Монро: „Бев на строга диета за да влезам во него, а го носев само неколку минути“

Детали

вторник, 03 мај 2022

Цел месец била на строга диета и постојано вежбала за да може да ја собере и да помине само неколку минути во позирање, пред да облече идентична реплика за да не го оштети седејќи и јадејќи во него – Факти за фустанот на Мерилин Монро што Ким Кардашијан го носеше на Мет Гала 2022.

Веќе е јасно дека Ким Кардашијан обожава да доминира на Мет Гала. Минатата година се појави во целосно црно издание на Balenciaga, а вели дека уште тогаш почнала да размислува за тоа што ќе носи оваа година.

Нејзиното појавување на црвениот тепих во скандалозниот фустан на Мерилин Монро од 1962 година предизвика низа реакции.

Таа даде ексклузивно интервју за магазинот Vogue во кое појасни колку многу труд и напор вложила за да успее да влезе во провокативното издание на најпознатата русокоса во американската историја.

Темата на годинешното издание на Мет Гала беше „позлатен гламур“, а гласините дека Ким ќе се појави во озлогласеното издание на Мерилин Монро почнаа да кружат неколку денови пред настанот.

„Идејата ја добив по галата во септември минатата година. Размислував што би носела во согласност со американската тема, ако не беше фустанот на Balenciaga? Кој е симбол за Америка? Тоа е Мерилин Монро. За мене моментот кога Мерилин Монро му пееше „Среќен роденден“ на Џон Ф. Кенеди е тој изглед“ – вели Ким.

Познатата американска актерка Мерилин Монро го носеше фустанот во 1962-та година кога во Медисон Сквер Гарден му пееше „Happy birthday“ на тогашниот претседател на САД, Џон Кенеди, по повод неговиот 45-ти родeнден. Се знае дека таа побарала да ѝ биде направен фустан што ќе остане запаметен во историјата.

Мерилин Монро и Марија Калас на гала-вечерта по повод роденденот на Џон Кенеди

Во видеото достапно на YouTube може да се слушне реакцијата на публиката која целосно останала шокирана од фустанот на Мерилин.

Продолжува на следната страна...