„Изнајмува бебиња за да лаже дека има ќерка“ – Амбер Херд мета на критики откако беше фотографирана со празна количка

Детали

понеделник, 12 септември 2022

„Сигурно изнајмува бебиња за да се слика, а турка празна количка за да предизвика сожалување“ – на социјалните мрежи се шират нови теории на заговор против Амбер Херд откако беше фотографирана со празна бебешка количка.

По скандалозното судење со поранешниот сопруг Џони Деп, каде беше докажано дека таа извршила клевета и треба да му исплати милионска отштета, актерката Амбер Херд беше фотографирана додека беше на одмор во Израел.

Но, најголемо внимание привлече заради празната бебешка количка.

Инаку, Амбер Херд откри дека стана мајка со помош на сурогат во јули 2021-ва година. Засега не открива кој е татко на 2-годишната Уна Пејџ, но многумина шпекулираат дека е многу веројатно тоа да е ексцентричниот милијардер Илон Маск.

Твитерџиите не можат да ѝ простат за тоа што лажеше за донирањето пари по разводот со Џони, па сега постојано се поставуваат нови прашања за што уште лажела актерката. Додека едни цврсто стојат на нејзина страна и ја бранат, за други таа лаже и дека има ќерка.

Амбер Херд (36) во август беше забележана како се шета низ Тел Авив, каде беше заедно со нејзината пријателка Ив Барлоу, а фотката на која се гледа дека таа турка празна количка за бебиња стана вистински хит на социјалните мрежи, па сега ја обвинуваат дека лаже дека воопшто станала мајка, како што претходно тврдеше.

За време на судењето твитерџиите масовно се поделија, на оние што се на страната на Џони Деп и оние што се на страната на Амбер, а фотографијата со празната количка предизвика низа дискусии на Твитер.

„Можам да потврдам дека Амбер Херд нема бебе. Целата приказна за бебе со помош на сурогат мајка е целосна лага. Таа нема дете и изнајмува или позајмува деца за да се слика на Инстаграм, а ја турка количката за да предизвика сожалување. Лицата на бебето се сосема различни на сите фотографии“ – вели еден од поддржувачите на Џони на Твитер, кој тврди дека добил анинимен мејл од блиски извори.

Неговата објава предизвика голем број коментари.

„Станува јасно зошто луѓето ја гледаа како половина час турка празна количка...“

„Се надевам дека ова не е точно, за доброто на бебето (или за бебињата), самата дека дека можете да изнајмите бебе туку така е позастрашувачка од идејата дека си купила бебе“ – стои во друг коментар.

Сепак, има и други што сметаат дека ова се само теории на заговор и дека нема шанси Амбер да лажела пред судот дека навистина е мајка.

Освен што е топ-тема на Твитер, јутуберот Џозеф Морис направи видео посветено на најновите теории за Амбер Херд.

Погледнете го во продолжение:

Прочитајте и Одат во специјално училиште, мора да доживеат тешкотии: Чудни правила што децата на Илон Маск ги следат + дали ќерката на Амбер Херд е негова?

Б. С. Б. | Црнобело