Ким Кардашијан со бизарно признание пред баба ѝ: „Мислев на тебе додека имав секс со Пит Дејвидсон пред камин“

Детали

четврток, 13 октомври 2022

„Колку е бизарно да мислиш на баба ти пред да имаш секс“ – Ким Кардашијан имаше отворен разговор со нејзината баба Мери Џо Кембел, попозната како Ем Џеј и ѝ призна дека конечно го имала сексуалното искуство за кое таа ѝ рекла дека е најдобро во животот.

Во последната епизода на реалното шоу The Kardashians,  Ким (41) ѝ призна на нејзината баба Ем Џеј (88) дека се обидела да ги прифати нејзините совети за да го „зачини“ сексуалниот живот со 14 години помладиот (сега поранешен) дечко, комичарот Пит Дејвидсон (28).

Додека многу девојки и жени воопшто и не размислуваат да разговараат за деталите од сексуалниот живот со нивните родители и баби, Ким покажа дека во семејството Кардашијан не важи тоа правило.

„Пит и јас престојувавме во хотелот Беверли Хилс минатиот викенд и седевме пред каминот и разговаравме со часови. По што му реков: ‘Баба ми ми рече дека не знаеш што е живот додека не си имал секс пред камин’, па така имавме секс пред каминот во твоја чест“ – ѝ рече ријалити ѕвездата на својата баба.

Ким рече дека самиот чин бил малку „бизарен“, а баба ѝ Ем Џеј, ја праша дали имала секс во ходникот или пак дочекале да влезат во приватноста на нивната соба.

„Колку е бизарно да мислиш на баба ти пред да имаш секс“ – рече Ким.

За потсетување, Ким и Пит Дејвидсон беа во врска околу 9 месеци, пред да одлучат да се разделат во текот на минатото лето и да одлучат да бидат само пријатели.

Во периодот кога се разделија Пит Дејвидсон работеше на снимањето на неговиот најнов филм, а Ким се труди да работи напорно на развојот на нејзиниот бизнис, да заврши правен факултет и секако да биде посветена мајка на четирите деца што ги доби во бракот со Канје Вест, за кого се шпекулира дека најверојатно повторно има проблеми со менталното здравје.

Прочитајте и Има растројство на личноста и уште 8 факти за новиот дечко на Ким Кардашијан

Б. С. Б. | Црнобело