Ештон Кучер за пропаднатиот брак со Деми Мур: „На само 26 години станав очув на 3 мали деца, но сакав да имаме уште едно“

Детали

вторник, 31 јануари 2023

„Имав 26 години, а требаше да се грижам за 8, 10 и 12-годишно дете. Тоа беше премногу за мене“ - холивудскиот актер Ештон Кучер ја отвори душата и за првпат отворено говореше за неговиот неуспешен брак со 16 години повозрасната Деми Мур.

Ештон Кучер (44) во последните неколку години се труди колку може повеќе својот приватен живот да го држи подалеку од очите на јавноста, а многумина го помнат по бракот со поранешната сопруга на Брус Вилис, актерката Деми Мур (60).

Во големото интервју за магазинот Esquire, Ештон Кучер за првпат отворено проговори за тоа како се чувствувал за време на бракот со актерката, но и за тоа како врз него влијаело тоа што таа во 2019-та година одлучи да објави книга мемоари насловена Inside Out во која изнесе повеќе приватни детали од нивниот брачен живот.

Секс во тројка, неуспешна бременост, проблеми со алкохолизмот... Ова се само некои од работите за кои Деми Мур зборува во своите мемоари и за кои го обвини својот поранешен сопруг.

„Конечно стигнав до периодот во кој новинарите почнаа да не ни обрнуваат внимание и следниот ден папараците беа пред училиштето на моите деца“ – вели Ештон, но потврдува дека не ѝ се лути на Деми затоа што сметала дека треба сите брачни детали да ги изнесе во јавност.

Деми Мур откри дека парот и покрај тоа што веќе се грижел за трите малолетни деца од претходниот брак на актерката, сепак се обиделе да добијат и заедничко дете со вонтелесно оплодување, што го загубиле во 6-иот месец од бременоста.

„Многу сакам деца... Идејата да имаме уште едно дете беше прекрасна. Не знам зошто, но морав да го искусам тоа. Да го загубиш детето што очекуваш дека ќе го добиеш, е навистина, навистина тешко. Секој се справува со тоа на различен начин“ – вели тој.

Ештон и Деми Мур во 2011-та година објавија дека се разведуваат, а тој откри дека се чувствувал мошне разочарано затоа што бракот не им успеал.

„Разводот прави да се чувствуваш како губитник. Затоа што си го загубил бракот“ – вели тој.

Кучер почна да се гледа со Мила Кунис во 2013-та година, опдносно откако беше финализиран разводот со Деми Мур. Тие двајца се венчаа во 2015-та година и заедно имаат две деца.

„Мојата врска со Мила напредуваше затоа што јас отсекогаш ѝ се восхитував. На нејзиниот талент, вештини, дарбата. Знаев дека не ѝ требам, ниту дека таа мене не ми е потребна“ – рече тој и додаде дека неговата сегашна сопруга е многу покул од него.

Кучер откри дека неодамна одлучил да направи вазектомија затоа што не планира да има повеќе деца.

Прочитајте и Му ги простуваше неверствата, прифаќаше секс во тројка – Како Деми Мур се обидуваше да го спаси бракот со Ештон Кучер?

 Б. С. Б. | Црнобело